መልክአ ሕማማቲሁ ለክርስቶስ

መልክአ ሕማማቲሁ ለክርስቶስ

ዘሌሊት

ሰላም ፡ ለኪ፡ማርያም፡ ስብሕት፡ ቀስት፡ መሐላሁ ለኖኅ ።

ውስተ፡ ገጸ፡ምድር፡ዳግመ እምደመና ፡፡ ላሕ

ኢያንጠበጥብ፡ዝናመ አይኅ፣ ሰላም ለኪ ።

ማርያም፡ ጎሞር፡ ወላዲተ፡ክርስቶስ፡ መና

እንበለ ፡ ሩካቤ ፡ ወዘርዕ፡ በድንግልና ።

በገዳም፡በሐቅለ ፡ ሲና፤ ሰላም፡ለኪ ።

ለሊቀ፡ ካህናት ፡አሮን፡ማርያም፡ ልብሱ

ወጸናጽለ ፡ ወርቅ ፡ ብኪ' ዘስክዕት፡ በናእሱ

ትድምፂ ፡ ጊዜ ፡ ያንሶሱ ሰሳም ለኪ ።

ማርያም ርግብ ፡ ዘወደሰኪ መጽሐፍ

በሐመልማለ ፡ ወርቅ ፡ ጽሩይ ፡ ወብሩር ፡ ንጽፍ ፡

ሥርጉተ ፡ ገበዋት ፡ ምስላ ፡ አክናፍ

ሰላም ፡ ለኪ ።

ማርያም ገነቱ ፡ ለወልደ ያሬድ ወሬዛ

ዘተረክበ ፡ ብኪ ፡ ለድኂን ፡ ወቤዛ ።

ፍሬ፡ጽድቅ ፡ ምስለ ፡ መዓዛ ፡ ሰላም ፡ ለኪ ።

ማርያም፡ ባሕርይ ፡ ጽድልቲ፡ ንጻሬ፡ ወዜና ።

እምጸዳል ዕንቊ ፡ በማኅፀና ፡

ዘትወልድ፡ ዖፈ ብርጋና ፡ ሰላም ፡ ለኪ ።

ማርያም ሀብኒ ፡ ልብሰ ፡ ትፍሥሕት ፡ ወተድላ ።

ከመ ፡ ወሀብኪዮሙ ፡ ቅድመ ፡ ምስለ፡ መሐላ

ለደቅስዮስ ፡ ወለኒቆላ ፡ ሰላም ፡ ለኪ ።

ቅድሜየ ፡ ቁሚ ፡ ማርያም ፡ ለለጊዜ ፡ እቀብጽ ተስፋ ።

ዖፈ ፡ ተአምርኪ ፡ ርግብ እንዘ ፡ ትሰፍሕ ክንፋ።

ከመ ቆመት ቅድመ ፡ ከሊፋ ፡ ሰላም ፡ ለኪ።

ማርያም አብሕኒ ፡ ዘእባሕኪዮሙ ፡ ሶበ ኀቤኪ ጸለዩ ።

ለመነኮሳት በግብጽ ፡ መጠነ ፡ ሓለዩ

ሰይጣነ ፡ ከመ ፡ ይቅንዩ ፡ ሰላም ፡ ለኪ ።

ወልድኪ ፡ ነፍሳተ ፡ ሶበ ፡ አርኣየኪ በእሳተ፡ ኵነኔ ዘሐሙ

ማርያም ትብሊ ፡ በእንቲኦሆሙ ።

ቅትለኒ ለቤዛሆሙ ፡ ሰላም ፡ ለኪ ።

ታስትዪዮ ፡ ማየ ፡ በአሣንዕኪ ፡ ለጽሙዕ ከልብ ።

ከመ ፡ ተራኅራኅኪ ፡ ቅድመ የዋሂት፡ ርግብ

ተራኅርኂ ፡ ለቤዛ ሕዝብ ሰላም ፡ ለኪ ።

ማርያም ጸግዊ ለደቂቀ ዛቲ ምስያጥ

እምንዋየ ጽድቅ ብዙኅ ወአኮ ኀዳጥ

ቅድመ ይዐራዕ መዋዕለ ሤጥ ሰላም ፡ ለኪ ።

ድካመ ጌጋይየ ፡ ትማዕ ፡ ማርያም ጽድቀ ዚኣኪ ፡ በጽንዓ

መዳልወ ፡ ጥበብ ፡ ሶበ ፡ መልዐ

ሰማኒት ፡ ነፍሳተ ፡ ወሰብዓ

ሕፍነ ፡ ማይ ኀየለ ወሞዐ ሰላም ፡ ለኪ ።

ስብሐት ፡ ለከ ፡ ተዘከርኩ ፡ በሌሊት

ብዝኅ፡ ትሕትናከ እንተ፡ የዐዱ፡ እምዐቅም

ጊዜ፡ አኀዙከ ፡ ሠገራተ ፡ ሮም

ኢየሱስ ፡ ንጉሠ ፡ ሰላም ፡ ስብሐት ፡ ለከ ።

እንተ፡ ኀለፍከ ፡ ሌሊት ፡ ኀበ ፡ የኣምር ፡ ይሁዳ

ለጌቴሰማኒ ፡ ውስተ፡ ዐፀዳ

ከመ ፡ ትፁር ፡ ክበደ ፡ ዕዳ ፡ ስብሐት ፡ ለከ ።

ከመ ፡ የአኀዙከ ፡ መጽኡ አሜሃ ፡ በመኃትወ ፡ጽጒ ፡ ወፓና ።

ካህናተ ፡ አይሁድ ፡ ቀያፋ ወሐና ፡

በዘሠርዑ ፡ ምክረ ፡ ሙስና፤ ስብሐት ፡ ለከ ።

እንተ ትኄይስ ፡ እምኔሁ ፡ ፍቅዐተ ፡ ምእመን ፡ ወዐርክ

ስዕመተ፡ ይሁዳ ፡ኮነከ፡ አምሳለ ፡ ነሲክ

ኢየሱስ ወልደ፡አምላክ፤ ሰብሐት ለከ ።

ሚመጠነ ፡ ተዐበዩ ፡ ወተዓየሩ፡ ላዕሌከ

መኑ፡ ኰርዐከ ርእሰከ

ተነበይ፡ እስከ ፡ ይብሉከ ስብሐት ፡ ለከ።

ደዌነ ነሣእከ ፡ ወሕማማቲነ ፡ ዖርከ፡

ከመ ፡ ተነበዩ ፡ ነቢያተ ፡ ዚአከ

ኃጢኣት፡ እንዘ፡ አልብከ ስብሓት ለከ ።

መንፈቀ፡ ሌሊት ፡ ድኅረ፡ ጊዜ፡ ይከውን ወውዖ ፡

ቤተከ ፡ ነሀሉ በተጋብኦ ።

ሶበ ፡ ሰአልናከ ፡ በአስተብቍዖ፡

አርኅወነ፡ እግዚኦ፡ እግዚኦ ስብሓት፡ ለከ ።

ዘበሰማያት ፡ አቡነ ፡ ወዘበምድር፡ ዓዲ

ግብተ ፡ እንበለ፡ ታጐነዲ

ዘታብዕል ፡ ወዘታነዲ ፣ ስብሐት ፡ ለከ።

ይትቀደስ ፡ ስምከ ፡ እግዚአ ፡ ዘኢትመውት ሕያው ።

በአፈ ፡ ኵሉ ፡ ፍጥረት ፡ በበመታልው ።

በክላሕ ፡ ወበንቃው ስብሐት ፡ ለከ ።

መንግሥትከ ፡ ትምጻእ ፡ እግዚኦ ፡ ወት

ምህርትከ ፡ ቅድስት ፡

እንተ ፡ ፈተውዋ ፡ በኵሉ ፡ ሰዓት

ቀዳሚ ፡ ማኅበረ፡ ነቢያት ስብሐት ፡ ለከ ።

ፈቃድከ ይኩን ፡ እግዚኦ ፡ ወሥምረትከ፡ ሠናይ ።

በምድር ፡ አንተ፡ ወበሰማይ፡ እግዚእ ፡ ወአ

ዶናይ ስብሐት ፡ ለከ ።

ሲሳየነ ፡ ኵሉ፡ ወዘልብነ ፡ ይፈቱ ።

እግዚአ ፡ ሀበነ ፡ ጸጋ፡ በከንቱ ።

ዘየአክለነ ፡ ለስዕለቱ ፤ ስብሐት ፡ ለከ ።

አበሳነ ሥረይ ፡ እግዚኦ፡ ወዳኅፃቲነ ፡ እምሕግ

ብዙኅ ፡ምሕረት፡አምላክ ፡ ከመ፡ ማየ፡ ዐይግ

የዋህ ፡ እንበለ ፡ ጹግ፤ ስብሐት፡ ለከ ።

ከመ ፡ንህነኒ ፡ ነኀድግ ፡ አበሳ ፡ እንተ፡ ቢጽነ ፡ አበሰ፡

ፍጥር ፡ ለነ፡ ኅሊና ፡ ቅዱሰ

ወልበ ፡ መስተዐግሠ ስብሐት ፡ ለከ ።

ኢታብአነ ፡ እግዚኣ ፡ ውስተ ፡ መንሱት ብዙኅ

ዘኢትነውም ፡ሕቀ ፡ ኖላዊ ፡ ትጉህ

በሠርክ ፡ ወበፍና ፡ ነግህ ስብሐት ፡ ለከ ።

አድኅነኒ ፡ ዘልፈ ፡ እግዚኦ ፡ ለመልአከ ስሕተት ፡ እምቀትሉ

ወባልሐነ ፡ እምእኩይ ፡ ኵሉ

ለዓለም ፡ አንተ ፡ እንተ ፡ ትሄሉ ስብሓት ፡ ለከ ።

በሳዕለ፡ ብዙኀ አድኅኖ ወዲበ ፡ ኵሎ ሰሳም ።

እስመ ፡ ዚአከ፡ መንግሥት ፡ ግሩም ።

ለዓለመ ፡ ወለዓለም ፡ ስብሐት ፡ ለከ ።

ዘመሀረነ ፡ ወልድከ ፡ ጸሎተ ፡ ቅዱሳን ፡ እንግልጋ

ሶበ ፡ ንጼሊ ፡ እንበለ ፡ ንትጋ ።

እግዚኦ ፡ ሀበነ ፡ መንፈሰ ፡ ጸጋ

ያኅድገነ ፡ ምግባረ፡ ዘሥጋ ስብሐት ፡ ለከ ።

ስብሐት ፡ ለክሙ ፡ ሥሉስ ፡ ቅዱስ ፡

ኦዕማደ ፡ ብሩህ ፡ እሳት ።

እስራኤልሃ ፡ እንበለ ፡ ዕቅፍት

ዘመራሕክሙ ፡ፍና፡ሌሊት፣ ስብሐት፡ ለክሙ ።

አዕይንተ ሰብእ ሥላሴ ከመ ፡ ኢይድፍን

ጽልመት፡ እለ ታበርሁ፡ በኲላ ፡ ሌሊት

ወርኀ ፡ ምስለ ከዋክብት ስብሐት ለክሙ ።

ለምህሮ ፡ ትሥልስት፡ ሥላሴ ፡ በሌሊተ

ጥምቀት፡ ሐዲስ ።

ዘአስተርአይክሙ፡ በዮርዳኖስ

በኣካል ፡ ዘይሤለስ ፥ ስብሐት ፡ ለክሙ ።

ከመ ፡ ይትዔገሥ ፡ አብ ፡ ሶበ ፡ ውሉዱ ፥

አበሱ

እምፍኖትክሙ ፡ እለ ፡ ተግኅሡ

ሥላሴ ፡ ዘትትዔገሡ ፡ ስብሐት ለክሙ ።

አምጣነ ዕድሜየ ፡ ኀልቀ አምሳለ ፡ ሕፃን፡ጊጉይ

እንዘ ፡ በጽቡር፡ እትዋነይ ሥላሴ ፡ በምድር ፡ ወበሰማይ።

አንጽሑኒ ፡ በዘኤዶም ፡ ማይ ፤ ስብሐት ለክሙ ።

ስብሐት ፡ ለእግዚኣብሔር ኪያነ ዘፈጠረ ከም ናምልኮ

ስብሐት ለማርያም ፡ እመ ፡ አምላክ ፡ እግዝእትነ ወመድኃኒነ ።

ስብሐት ለመስቀለ ፡ ክርስቶስ ፡ ዕፀ መድኃኒት ኃይልነ ፡ ወፀወንነ

ጸሎተ ፡ ሃይማኖት በል ።

ዘነግ

ማርያም፡ድንግል፡ ከመዐዛ አፉኪ፡ ኮል

እንተ ትጸንዊ በገዳም፡ ወሐቅል

ወልታ፡ ረዲኦትየ ፡ በውስተ፡ ቀትል ፤

ሰላም፡ ለኪ

ተስፍዎ ፡ ባዕድ ፡ እልብየ ፡ ዘእንበሌኪ ምክሕየ

በኢመንኖ በልኒ ፡ ገብርየ ፡ ገብርየ

ዘተሣየኩከ ፡ በንዋይየ ፡ ሰላም ፡ ለኪ ።

አትሮንስ ፡ ሰሎሞን ' አንቲ ፡ ለሐና ፡ ባሕርያ

ንግሥታት ስሳ፡ ወዕቁባት፡ ሰማንያ

ወዶሳኪ እንዘ ፡ ይገንያ ሰላም ለኪ

አመ ይከውን ድጎረ ዕልተ በቀል ወፍዳ ፡

ወአመ ፡ ኢታድጎን፡ እም ፡ ዘወለደት፡ ወልዳ

ባልሕኒ እሞተ ፡ ዕዳ ፡ ሰላም ፡ ለኪ "

በከመ ልማድኪ በሊ፡ ኀበ ፡ ወልድኪ፡ ከሃሊ ።

ኦ፡ ርኅሩኅ፡ ኢተበቃሊ

ያጠፍኦኑ ፡ ለሥዕሉ ፡ ሰኣሊ

ኪነተከ ዘትካት ሐሊ ሰላም ለኪ

ስብሐት ፡ ለከ ፡ ከመ ንንግር ፡ ኵሉ

ስብሐቲከ ፡ በአናቅጺሃ ፡ ለጽዮን ፡ ማኀደረ ብዙኅ ፡ ሰላም ።

ዘእንቃሕካነ ፡ እምነ ፡ ንዋም ።

ኢየሱስ ፡ ወልደ ማርያም ፡ ስብሐት ለከ፡

ላዕለ ጻድቃን ፡ ወኃጥኣን፡ ብርሃነ፡ ጸጋ

ዘታሠርቅ፡ ለነ ፡ እምነ ፡ ምሥራቅ

ኢየሱስ ፀሐየ ፡ ጽድቅ ፤ ስብሐት ፡ ለከ ።

ለዘመጠነዝ ፡ ገበርከ ፡ ላዕሌሆሙ :ፍድፍደና ፡ ጸጋ ፡ ወሀብት ።

ፈደዩከ፡ እፎ ፡ እኪተ ፡ ህየንተ ፡ ሠናይት

ኢየሱስ ፡ ንጉሠ ፡ ስብሐት፤ ስብሐት፡ ለከ ።

ኢየሱስ ፡ ሕሙይ ፡ በእንቲአነ ፡ ኢየሱስ ሙቁሕ ።

እንተ ዐቀሙከ፡ ውስተ ፡ ዐውደ ፡ ፍትሕ

ጊዜ ፡ ኮነ ጎሕ ፡ ጽባሕ ፣ ስብሐት ፡ ለከ ።

ከመ በግዕ ፡ የዋህ ፡ ወከመ : ላሕም ፡ መግዝእ

መሥዋዕተ ፡ መድኃኒት ፡ ትኩን ፡ ለቤዝዎ ፡ ሰብእ ።

ዘጎለፍከ ፡ ዐፀደ ፡ ግፍዕ ፡ ስብሐት ፡ ለከ ።

እምልብነ ፡ አግኅሥ ፡ እግዚእ ፡ ነገረ ጸላዒ ፡ መስሕት ።

ዘእግኅሥከ ፡ ለነ ፡ ጽልመት፡ ሌሊት፣

ኢየሱስ ፡ ብርሃነ ሕይወት፤ ስብሐት፡ ለከ

አኰቴተ ፡ ስብሐት ወትረ ፡ ለመንግሥትከ ፡ ስቡሕ፡

ጊዜ እምንዋምነ ፡ ንነትሕ

ናቂርብ ፡ ለከ በቃለ ፡ ክላሕ ፡

ወንፌኑ፡ ስብሐተ ፡ ዘነግህ ፤ ስብሐት ፡ ለከ

ስብሐት ፡ ለክሙ ሥሉስ ፡ ቅዱስ መዋዕያነ ፡ ክልኤ፡ አእምሮ ፡

ለብርሃን ፡ በነግህ ፡ ፈጠሮ

ቃልክሙ ፡ ተናግሮ ፤ ስብሐት፡ ለክሙ።

እምነ ብርሃን ብርሃነ መጠነ አሐቲ ሥርናይ

እለ አልበስክሙ ነገሥተ ሰማይ

ለወርኅ ወለፀሐይ ስብሐት፡ ለክሙ።

ሰዓተ ፡ ሌሊት ፡ ሥላሴ ፡ ዘወሰንክሙ ፡ በጎሕ

ወዘእክብርክም ፡ በፀዳል፡ ብሩህ ።

ፀሐየ ፡ እምነ ፡ ወርኅ ስብሐት ፡ ለክሙ ።

ኀበ ፡ ርኅራኄክሙ ፡ በዝኀ፡ ወኀበ ፡ አልቦቱ፡ መስፈርት ።

እለ ፡ ትሰመዩ ፡ በስመ ፡ ብእሲት ።

ሥላሴ ፡እደወ፡ ምሕረት ፤ ስብሐት፡ ለክሙ።

ከመ ፡ ኅብረ፡ ለይ፡ ሥጋየ ፡ አመ ፡ በጎጢኣት ቄሐ ።

ኀዘን ፡ ብየ ፡ አምጣነ ፡ በዝኀ

ሥላሴ ፡ ዘዮም ወዘአሜሃ ።

በጽባሕ፡ ሀቡኒ፡ ፍሥሐ፤ ስብሐት ፡ ለክሙ

ስብሐት ፡ ለእግዚኣብሔር፡ ኪያነ ፡ ዘፈጠረ ከመ ፡ ናምልኮ ።

ስብሐት ፡ ለማርያም እመ ፡ አምላክ ፡ እግዝእትነ ' ወመድኃኒትነ ።

ስብሐት አመስቀለ ፡ ክርስቶስ ዕፀ ፡ መድኃኒት ኃይልነ፡ ወፀወንነ ።

ጸሎት ፡ ሃይማኖት፡ በል ።

ዘሠለስቱ ሰዓተ መዓልት

ሰላም ለኪ ማርያም፡ ርግብ ፡ ሰማያዊት

ሰላም፡ለኪ፡ ወንስር፡ መንፈሳዊት ሰላም፡ ለኪ

ሥምረተ፡ ኣብ፡ ወወልድ፡ ወመንፈስ ቅዱስ

መላኪ፡ እምትካት ዝጎረየኪ፡ ሰላም፡ለኪ

ጊዜ፡ ጸልዮትኪ ፡ በጽሐ ፡ ከመ ፡ አይሙት፡ገብርኪ

ቅድሜሁ ስግዲ፡ ወኣስተብርኪ

እንዘ ታዘክሪዮ፡ ፃማ ንግደትኪ

ርግብየ ፡ የዋሂት ለየዋህ ፡ ወልድኪ፤ ሰላም ፡ ለኪ

ስብሐት ለከ እኤምኅ አእጋሪከ፡ በጊዜ

ሠለስቱ፡ ሰዓት ቅድመ፡ ጲላጦስ፡ ዘቆማ

ኢየሱስ ጠቢብ ፡ ወንጉሥ ፡ ፈማ ።

ዘኣድከምከ፡ ኃይለ ፡ መስቴማ ፤ ስብሐት ፡ ለከ ።

እንዘ፡ ይሰልቡ፡ ልብሰከ፡ ወከዳነከ፡ ዐይዳ

እንተ፡ አልበሱስ ፡ ከለሜዳ ።

ኢየሱስ ንጉሠ፡ ይሁዳ ፤ ስብሐት ፡ ለከ ።

ተፈጸመ ፡ ብከ ፡ እግዚኦ ፡ቃለ ፡ ዳዊት፡ ንጉሥ ።

ሶበ ፡ ተካፈሉ ፡ በዕፃ ፡ ወፋስ

ልብሰከ ፡ ልብሰ ፡ ሞገስ ፤ ስብሐት ፡ ለከ ።

ማኅበራነ አይሁድ ፡ አሜሃ ፡ እዕፅም ቲከ፡ ኈላቁ ።

ወዲበ ፡ ገድከ ፡ ምራቅ፡ ወረቁ ።

ላዕሌከ ፡ እንዘ ፡ ይሳለቁ፤ ስብሐት ፡ ለከ ።

እፎ፡ መጦከ ፡ ዘባነከ፡ ለጥብጣቤ ፡ መቅሠፍት መጽዕቅ

ገጽከኒ ፡ ተወክፈ ፡ ኀፍረተ ፡ ምራቅ ።

ዘአእሩግ ፡ ወዘደቂቅ ፣ ስብሐት ፡ ለከ ።

እዕርግ፡ ለነ፡እግዚእ ፡ በግ ፡ ሠለስቱ፡ ሰዓት ።

ዘናቄርብ ፡ ለከ ፡ መሥዋዕተ ፡ ስብሐት

ከመ ፡ ሠርዑ፡ ሐዋርያት፤ ስብሐት ፡ ለከ ።

ኀበ ፡ ሐዋርያት፡ ኅብሩ ፡ በጽርሐ፡ ጽዮን እንግልጋ ።

ዘፈኖከ፡ ሎሙ መንፈሰ ፡ጸጋ ።

ፈኑ ፡ ለነ፡ እንበለ ፡ ንትጋ ።

ያኅድገነ ፡ ምግባረ ፡ ዘሥጋ ፣ ስብሐት፡ ለከ፡

ስብሐት፡ ለክም፡ ሥሉስ ፡ ቅዱስ ፡ ጠቢብተ፡ ስድስቱ፡ ዕለት

አዳምሃ ፡ በሣልስ ፡ ሰዓት ።

ዘፈጠርክሙ ፡ እንበለ ፡ ሞት ፡ ስብሐት ለክሙ ።

ድኅረ ፡ ተፈጥሮቱ ፡ ለሰብእ ፡ በኍልቁን ዕለታት ፡ ኣርባዓ ።

እለ ፡ ታብዕሉ ፡ ወታነድዩ፡ ሰብኣ

መጽሐፍ ፡ ከመ ፡ አይድዐ ስብሐት ለክሙ

ሐዋርያተ ጽድቅ ሥላሴ ፡ በጊዜ ፡ ሰዓት፡ ሠለስቱ

በልሳን፡ ሰብዓ ወክልኤቱ ።

ዘትከሥቱ፤ ስብሐት ፡ ለክሙ ።

ለጸላዔ ፡ ብርሃን ፡ ሰብኣ ፡ ከመ ፡ ዘእኩይ ምግባሩ ።

እንዘ ፡ ትሬእዩ ወተአምሩ ።

ሥላሴ ፡ ዘትምሕሩ፤ ስብሐት ለክሙ ።

ድኅረ ስብኮ ፡ ላሕም ፡ አቀመ ፡ በደብረ ኮሬብ ፡ መካን ።

ካህን አሮን ወምእመን ፡

ዘመሐርክምዎ ፡ ለአሮን ፡ ካህን ፡

መሐሩኒ ሥላሴ ኄራን፤ ስብሐት፡ ለክሙ ።

ስብሐት ፡ ለእግዚኣብሔር ኪያነ ዘፈጠረ ከም ናምልኮ

ስብሐት ለማርያም ፡ እመ ፡ አምላክ ፡ እግዝእትነ ወመድኃኒነ ።

ስብሐት ለመስቀለ ፡ ክርስቶስ ፡ ዕፀ መድኃኒት ኃይልነ ፡ ወፀወንነ

ጸሎተ ፡ ሃይማኖት በል ።

ዘቀትር ።

ሰላም ፡ ለኪ ፡ ማርያም፡ ውድስት፡ በአፈ ኲሉ፡ ፍጥረት ፡

ታቦት ፡ ኣንቲ፡ ሙሴ ፡ ጽላት ።

ዘሕግ ወዘሥርዓት ፤ ሰላም ፡ ለኪ ።

ገይበ ብሩር ጽሪት፡ ወምቅድሕ፡ ንጹሕ ሐሊብ ።

ማርያም መሶብ ፡ ዘመና ፡ ልሁብ ፡

እንተ ፆርኪ፡ ሲሳየ ፡ሕዝብ፡ ሰላም፡ ለኪ

ትርሢተ፡ ቤቱ፡ ሠናይ፡ ለነቢይ፡ ሐጌ

ወወለት አንቲ ፡ ለሰሎሞን ሐርጌ።

ማርያም፡ ዘመነ ጽጌ ሰላም ለኪ

እመ፡ ቅድው ፡ በግዕ ፡ ዘቀተልዎ፡ በግፍዕ።

ወደብተራ፡ ስምዕ ፡ ዘጳውሎስ ረድእ ።

ማርያም ዘመነ ፡ ፍግዕ ሰላም ፡ ለኪ

ኣርያሪሰ ፡ ሰማይ ፡ ልብስኪ ወአሣዕንኪ ዕብላ

ጽጌ ፡ ደንጐላ ፡ ቀይሕ ፡ ዘምድረ፡ ኖላ ።

ማርያም ፡ ዘመነ ፡ ተድላ፤ ስብሐት ፡ ለኪ

በመድበለ ፡ ማኅበር ፡ ጽፉቅ ፡ እዌድሰኪ በጻሕቅ ።

ከመ ፡ ትምዐድኒ ፡ነገራተ ፡ ጽድቅ ፡

ማርያም፡ ዘመነ ፡ ዕርቅ ስብሐት ፡ ለኪ ።

ተደንግሎ ሥጋ ወነፍስ ፡ ለባሕቲትኪ ፡ ኮነ ፡

አመኒ ፡ ወለድኪ ፡ ሕፃነ ።

ኢረስሐ ፡ ወኢማሰነ ፤ ሰላም ፡ ለኪ

እሙ በሊዮ ፡ በእንቲኣየ ፡ ለፍሬ ፡ ከርሥኪ ፡ እብኖዲ ። .

ላዕሌሁ ፡ ምሕረት ፡ ኢታጉንዲ

እመ ፡ አኅዘነከ ፡ ብእሲ ፡ ኣባዲ ።

ቤዛ ፡ ነፍሱ ፡ ነፍስየ ፡ እፈዲ ፡ ሰላም ፡ ለኪ ።

ኦ ዘተቀኖከ ኢየሱስ ፡ ጻድቅ፡ ማእከለ ክልኤ ፈያት

እንዘ፡ ኢትከውን፡ አንተ፡ ገባሬ ፡ እኪት ።

ከመ ትስዓር ፡ ቀኖተ ፡ ሞት ፡ ስብሐት፡ ለከ ።

እፎ ፡ ሰፋሕከ ፡ አእዳዊከ ፡ ወተሰቀልከ ፡ በዕፅ ።

ዕዕወተ፡ ቀላያት፡ታርኅ፡ አምሳል፡ አንቀጽ፡

እንተ፡ ሖርከ፡ ብሔረ ፡ ግብጽ ፤ ስብሐት ፡ ለከ ።

ፀሐይ ፡ ብሩህ ፡ አሜሃ ፡ ጊዜ ፡ ቀትር ፡ ጸልመ ፣

ወወርኅኒ ፡ንጹሕ ፡ ትመሰለ ፡ ደመ ።

ትንቢት ፡ ከመ ፡ ቀደመ ፥ ስብሐት ፡ ለከ ።

አብሀመ፡ አብ ፡ ቀዳሚ ዘአስተርአይኮ፡ ኢየሱስ ክርስቶስ

ጊዜ ፡ ቀትር፡ ታሕት፡ ዕፀ ፡ ድርስ፡

ተሰቀልከ ፡ ከመ ፡ ዕቡስ ' ስብሐት ፡ ለከ ።

ኃዘነ ፡ ማርያም እምከ ፡ ነጺረከ ለዘታ ፈቅሮ ሐዋርያ ።

ትቤሉ ፡ እምክ ፡ ነያ ።

ትናዝዝ ፡ ብዝኀ ፡ ብካያ ፤ ስብሐት ፡ ለከ ።

ዘስአልከ ፡ ማየ ፡ እምነ ፡ ሳምራዊት ፡ብእሲት

ከመ ፡ ትፈጽም ፡ ኵሉ፡ ነገረ ትስብእት

እንዘ፡ አንተ ፡ማየ፡ ሕይወት ስብሐት፡ ላከ፡

ሕጽረነ ፡ ወትረ ፡ እግዚኦ ፡ ለደቂቀ፡ ዛቲ ዳቤር ።

በመስቀልከ ፡ መግረሬ ፡ ፀር ፡

እምድድቅ ፡ ወእምጋኔነ ፡ ቀትር ።

ወእምኵሉ፡ ዘይመጽእ፡ ግብር፤ ስብሐት፡ ለከ፡

ስብሐት ፡ ለክሙ ፡ ሥሉስ ፡ ቅዱስ ፡ ዕሩያነ አካል : ወገጽ ፡

ዘአስተርአይክሙ : እንበለ ፡ ሕጸጽ ።

ጊዜ፡ ቀትር፡ በታሕት፡ ዕፅ፤ ስብሐት፡ ለክሙ።

ለንግሥክሙ ፡ ሰገደ ፡አብርሃም ፡ በርእሱ ።

ኀበ ገብርክሙ ፡ እንዘ ፡ ትገይሡ ።

ኣጋእዝትየ ፡ ዘትሤለሱ ስብሐት ለክሙ ።

በላዕለ ማርያም ፡ ድንግል ሥላሴክሙ ተረክበ ።

በዮርዳኖስ ፡ ቅድመ ወበታቦር ፡ ካዕበ

ወንጌል ፡ ከመ ፡ ነበበ ፤ ስብሓት ፡ ለክሙ ።

ለቤተ፡ ክርስቲያን ፡ ሥላሴ ፡ አናቅጺሃ አንትሙ ።

ሱራፌልኒ በቅዳሴሆሙ ፡

ያኤምሩ' ግጻዌክሙ ፤ ስብሐት ፡ ለክሙ ።

ፈጣርያነ ፡ ፀሐይ ፡ ወወርኅ ፡ አጋእዝትየ

ዘነጸሩክሙ ኤልያስ ወሙሴ ።

በክብር ፡ ወበውዳሴ ስብሐት ለክሙ ።

ጠፈረ ፡ ቤትክሙ፡ ማይ፡ ዘኅብሩ በረድ፡

እንተ፡ ነጸርዎ ኅሩያን ፡ አንጋድ

በስኢል፡ ወበሰጊድ ፤ ስብሐት ፡ ለክሙ ።

ኣብ ወወልድ ወመንፈስ ቅዱስ ፡ ለዝክርክሙ ሕይወት

ሶስ ከናፍርየ እከሥት ፡

ስመ ፡ ዚአክሙ ፡ በኵሉ ፡ ሰዓት ፡

ይስማዕ ፡ እምአፉየ ፡ ወይደንግዕ ፡ ሞት ስብሓት ፡ ለክሙ ።

ስብሐት ፡ ለእግዚኣብሔር ኪያነ ዘፈጠረ ከም ናምልኮ

ስብሐት ለማርያም ፡ እመ ፡ አምላክ ፡ እግዝእትነ ወመድኃኒነ ።

ስብሐት ለመስቀለ ፡ ክርስቶስ ፡ ዕፀ መድኃኒት ኃይልነ ፡ ወፀወንነ

ጸሎተ ፡ ሃይማኖት በል ።

ዘተሰዐቱ ፡ ሰዓት ።

ሰላም ለኪ ማርያም ፡ እክል፤ ሰላም ለኪ፡

መጽንዒተ ፡ ጎይል ፤ ሰላም ፡ ለኪ ።

ቅብዐ : ብርሃኑ ፡ ለገጽ ፤ ሰላም ፡ ለኪ ፡

ስቴ ፡ ወይን ፡ ዘነፈርዓጽ ፤ ሰላም ፡ ለኪ

ሠርጐ ፡ ክብር ፡ ዐራዝ ፡ ሰላም ፡ ለኪ

ወመቅደስ ፡ ቤተ ፡ ትእዛዝ ፡ ሰላም ፡ ለኪ ።

ለአሣዕንኪ፡ ወርኅ ሰላም ፡ ለኪ ፡

ወለአክሊልኪ ጎሐ ፡ ጽብሕ ፤ ሰላም ፡ ለኪ ።

ደመና፡ ዝናም ፡ንጽሕት ፤ ሰላም ፡ ለኪ።

ዘይከውን ለቅድሳት ፤ ሰላም ፡ ለኪ -

ወለተ፡ ኢያቄም ፡ ወሐና ፤ ሰላም ፡ ለኪ'

ሥርጉት ፡ በቅድስና ፡ ሰላም ፡ ለኪ

ደብረ ፡ መቅደሱ ፡ ለኖኅ ሰላም ፡ ለኪ ፡

ዘእድኅንኪዮ፡ እማየ ፡አይኅ ፤ ሰላም ፡ ለኪ።

ሐይመተ አብርሃም ፡ አብ ፤ ሰላም ፡ ለኪ፡

ዘኮንኪዮ ፡ ከመ ፡ ተድባብ ፤ ሰላም ፡ ለኪ ፡

ቤዛዊተ ፡ ኵሉ ፡ ዓለም፤ ሰላም ፡ ለኪ ፡

ሰፋኒት ፡ በአርያም ሰላም ፡ ለኪ ።

አስምዕኒ ቃለ፡ ፍሥሓ በጊዜ ኀዘን ፡ እስቆቁ ።

ሣህልኪ ፡ ይምጻእ ፡ እምሥራቁ ለእሳተ ፡ ኀዘን ፡

እስከ ፡ ይቁርር ፡ ሞቁ፡ ለኃጥእ ጽድቁ ፣ ሰላም ፡ ለኪ ።

አምላኪየ ፡ አምላኪየ ፡ ነጽረኒ ፡ ወትረ ፡

ወኢትጎድኒ ፡ ዘልፈ፡

እስመ ፡ እንተ፡ ትቤ ፡ እንዘ ፡ ትከሥት ፡አፈ

ትፈጽም ፡ሕገ ፡ ዘተጽሕፈ ፤ ስብሐት ፡ ለከ ።

ጊዜ ፡ ትወፅእ ፡ ነፍስከ ፡ እስከ ይሰማዕ ፡ ኵለሄ ።

ዘትቤ ፡ ኤሎሄ ፡ ኤሎሄ ።

ኢየሱስ አምላከ ፡ ርኅራኄ ስብሐት፡ ለከ ፡

ከመ ታስትየነ ፡ ለነ ፡ ደመ ፡ ገቦከ ፡ ነባቤ

እንተ ፡ አስተዩከ ሐሞተ ፡ ወከርቤ ።

ጸማዕኩ ፡ በጊዜ ትቤ ስብሐት ፡ ለከ ፡

ድኅረ ሰለጥከ ፡ መዊተ ፡ በመልዕልተ ቅዱስ ፡ ጸልቦ ።

እንዘ ፡ኃጢእት ፡ ላዕሌከ ፡ አልቦ ።

ኢየሱስ ርጉዘ ፡ ገቦ ፤ ስብሐት ለከ ።

ስታየ ፡ ጽሙዓን ፡ ይኩን ፡ ወዘያረስዕ ትካዘ ።

ማይ ፡ ምስለ ፡ ደም ፡ ውኅዘ ።

ገቦከ ፡ ጊዜ፡ ተረግዘ ፤ ስብሐት፡ ለከ ።

ኖላዊነ ፡ ኄር፡ ወዐቃቢነ፡ ጽኑዕ ።

እንተ ተሰቀልከ ፡ መልዕልተ፡ ምሥዋዕ ።

ኢየሱስ ፡ቤዛ አባግዕ ስብሐት ፡ ለከ ።

ተወከፍ፡ ሊተ፡ እግዚእ ፡ ከመ ፡ ቍርባን ጥሉል ።

በበሱባዔ 'እንዘ ፡ እከፍል፤

ዘአቅረብኩ ፡ ለከ ኁልቁ ኢዮቤል ።

ስብሐታተ፡ በዘአንሰ ፡ እክል ።

ስብሐት ፡ ለክሙ ፡ ሥሉስ ፡ ቅዱስ ፡ ነገሥተ ሰብዓቱ ፡ኣብያት ።

እለ በላዕክሙ ውሣጤ ኀይመት።

አሐደ ኅብስተ ትሥልስት ፤ ስብሐት ፡ ለክሙ ።

ድኅረ: በላዕክሙ ፡ ላሕመ ፡ እንበይነ ፡

ፍቅረ ፡ ሰብእ ፡ ፍጹም ።

ዘበኀይልክሙ ፡ ሐይወ ላሕም ።

ሥላሴ ክቡራነ ፡ ስም ፡ ስብሐት ፡ ለክሙ፡

ከመ ፡ ባሕር ፡ ስፉሕ ፡ ወከመ ፡ እሳት ፡ ጽዱል ።

አለ ፡ አርአይክሙ : ትሥልስተ ፡ አካል ።

ሥላሴ ፡ ነገሥት ፡ኃይል፤ ስብሐት፡ ለክሙ ።

ዘኢትቀሥፉ ፡ ወትረ ፡ ወኢትትመዐዑ ዘልፈ ።

እንዘ፡ ሰብእ ፡ ይገብር ፡ ኀጣውአ ፡ እልፈ፡

በመጽሐፍ፡ ከመ ፡ ተጽሕፈ ፤ ስብሐት ለክሙ ።

ድኅረ ፡ ልቡናሁ ፡ ፄወወ ፡ ፍቅረ ፡ አሐቲ ብእሲት

ለዘወፅአ ረድአ፡ እምሃይማኖት ፣

ዘመሐርክምዎ በዕሥራ፡ ዕለት። (በሣልስ ፡ሳብዕት)

መሐሩኒ፡ሥላሴ ነገሥት፤ ስብሐት፡ ለክሙ

ስብሐት ፡ ለእግዚኣብሔር ኪያነ ዘፈጠረ ከም ናምልኮ

ስብሐት ለማርያም ፡ እመ ፡ አምላክ ፡ እግዝእትነ ወመድኃኒነ ።

ስብሐት ለመስቀለ ፡ ክርስቶስ ፡ ዕፀ መድኃኒት ኃይልነ ፡ ወፀወንነ

ጸሎተ ፡ ሃይማኖት በል ።

ዘሠርክ

ሰላም ፡ ለኪ ፡ ምልዕተ ፡ ጸጋ ።

ምልዕተ ፡ ክብር ፡ ወብዕል እንበለ ንትጋ።

አምላከ ፡ ሰማያዊ፡ ዘወለድኪ በሥጋ፣ ሰላም ለኪ ።

ታቦተ ፡ ሕግ፡ አንቀጸ ፡ ሥጋኪ ዘበድንግልና ንሡግ ።

ሐሊበኪ ጠበወ ፡ አበ ፡ አእሩግ

ዘየዐውድዎ ፡ ዘወንጌል፡ አፍላግ፤ ሰላም ፡ ለኪ ፡

ሰላም ፡ ለኪ፡ እግዝእትየ እሙ፡ለፀሐይ፤

ዳግሚት፡ ሰማይ ።

መዝገበ ፡ ሥርናይ ፤ ወዘወይን ፡ ቀላይ ።

ብኪ ፡ ወበወልድኪ ይብዕል ፡ ነዳይ ። ሰላም ፡ ለኪ ።

ሰላም ለኪ፡ ሐመረ ፡ ብዕል።

ሙዳየ ዕፍረት፡ ቢረሌ ጽዱል ።

ምዕራፈ ተድላኪ፡ በብሔር፡ ጥሉል ።

መልክዐ ፡ ገጽኪ ፡ በአርያም ፡ ሥዑል ሰላም ፡ ለኪ።

ሰላም ፡ ለኪ፡ እመ ፡ ብርሃን

ዘወልድኪ፡ ለነ ብሉየ ፡ አዝማን።

ለኪ ፡ወለወልድኪ፡ ይገኒ፡ ልሳን፤ሰላም፡ለኪ

ሰላም ፡ ለኪ፡ ሰላማዊት፡ ዘበድንግልና ፡ኅትምት ።

ወበቅድስና ፡ ሥርጉት

ንህብ ፡ ዘአስኔት ፡ ዘሲና ፡ ዕፀት ፡ ሰላም ፡ ለኪ ።

ሰላም፡ለኪ ታቦት፡ ሙሴ ።

እምአመ ፡ንእስኪ፡ ዘኢተአምሪ፡ ብእሴ ።

ወሐውልተ ፡ ስምዕ ፡ ዘነቢይ ኣውሴ ።

ለኪ ፡ ወለወልድኪ ፡ ይደሉ ፡ ውዳሴ ሰላም ለኪ ፡

ስብሐት ፡ ለከ ፡ ሀበነ ፡ ሰላምከ ፡ መምህረ

ትሓትና ክርስቶስ ፡ ወልደ፡ አምላክ፡ ወሰብእ

ጊዜ፡ ፍና፡ ሠርክ በዐውደ መብልዕ ።

ዘረፈቀ ፡ ምስለ ፡ አርዳእ ስብሐት ፡ ለከ

ሥጋከ፡ ቅዱሰ፡ ለወጢነ፡ ሐዲስ፡ ሥርዐት

እንተ ፡ ወሀብኮሙ ፡ ለሐዋርያት ፡

ድኅረ፡ በልዑ፡ ፍሥሐ፡ እሪት ስብሐት፡ ለከ።

እምሥጢርከ ፡ ይንሥኡ ፡ ኀበ ፡ ሐዋርያት ኅብሩ

እንተ ፡ ወሀብኮሙ ፡ እምድኅረ ፡ ተደሩ

ተዝካረከ፡ ከመ ፡ ይግበሩ ፡ ስብሐት ፡ ለከ ።

በእንተ ፡ይሁዳ፡ ዘትቤ ያገብአኒ ፡አሐዱ

ተስእሎተ፡ ዝንቱ፡ ነገር ፡ ለእለ ፈቀዱ።

ዘአርአይከ ፡ ርደተ ፡ እዱ ፤ ስብሐት ፡ ለከ ፡

ለውእቱ ብእሲ እንተ እፍቀረ፡ ዕበደ

እምኀየሶ፡ ሶበ፡ኢተወልደ።

እምያግብእከ፡ ጊዜ ፈቀደ ስብሐት፡ ለከ

በዛቲ፡ ሰዓት፡ በአእዳወ፡ ከልኡ፡ ጻድቃን ።

እንተ ፡ ተገነዝከ ፡ ሰኣምሳለ ፡ በድን ፡

ኢየሱስ ፡ መንሥኤ ፡ ሙታን ስብሐት ፡ ለከ ።

ዘንተ፡ ኵሎ፡ በእንተ፡ፍቅረ፡ሰብእ፡ዘኮንከ፡

ለሕማም ፡ ወሞት ፡ እስከነ ፡ በጻሕከ ።

ይእዜኒ ፡ ተወከፍ : ነግሀ ፡ ወሠርከ

ስብሐታተ ፡ ዘናቄርብ ፡ ለከ ።

ስብሐት ለክሙ ሥሉስ ቅዱስ መገብተ ሰባዕቱ ሀብታት

ዝትሁቡ ፡ ዐስበ ፡ በሠርከ ፡ ዕለት ።

ለቀደምት፡ ወለደኀርት፡ ስብሐት፡ ለክሙ

ኀበ፡ መዓርጋት፡ ዐሠርቱ፡ ዘእግባእክሙ፡ ፀሐየ።

ሶበ ፡ኀበክሙ ፡ ጊዜ ፡ ሠርክ ፡ ጸለየ ።

ሕዝቅያስ አመ፡ ደወየ ፤ስብሐት ፡ ለክሙ።

ጊዜ ጸልዮ፡ ሥላሴ፡ በአዕዛነ፡ መንፈስ ርኂብ

እለ ፡ ትሰምዑ ፡ ለኆሳስ ፡ ልብ ።

ወትጸመሙ፡ ብዝኀ፡ ንባብ ስብሐት፡ ለክሙ ።

በይነ ፡ሥጋዊ፡ ሲሳዩ፡ ወመንፈሳዊ፡ ሲሳዩ።

ለዘርኀበ ሰብእ በጌጋዩ ።

ሥላሴ ፡ ዘትሔልዩ ስብሐት ፡ ለክሙ ።

ጊዜ፡ ፍና፡ ሠርክ ዳዊት፡ አመ ፡ ውስተ ናሕስ ቆመ ፡

ሠለስተ ፡ ግብራተ ፡ ድኅረ ፡ ፈጸመ ።

ዘመሐርክምዎ ፡ ለዳዊት፤ቅድመ ።

መሐሩኒ፡ ሥላሴ፡ ዳግመ፡ ስብሐት ለክሙ፡

ስብሐት ፡ ለእግዚኣብሔር ኪያነ ዘፈጠረ ከም ናምልኮ

ስብሐት ለማርያም ፡ እመ ፡ አምላክ ፡ እግዝእትነ ወመድኃኒነ ።

ስብሐት ለመስቀለ ፡ ክርስቶስ ፡ ዕፀ መድኃኒት ኃይልነ ፡ ወፀወንነ

ጸሎተ ፡ ሃይማኖት በል ።

ዘንዋም

ሰላም ለኪ ፡ መንበረ ፡ ፀሐይ ፡ ወዘከዋክብት፡ አክሊላ ።

ምድርኒ፡ ሥርጉት፡ በጽጌ ፡ ወሄላ ።

ማርያም ዘመነ ፡ ተድላ ፡ ሰላም ፡ ለኪ ።

አመ ፡ ይወፅእ ፡ አዳም ፡ እምሀገረ ፡ ጽጌ፡ ገነት ።

ዘአዕረገ ፡ ብኪ : ዕጣነ : ጸሎት ።

ማርያም ፡ ስኂነ ሰንበልት ፡ ሰላም ፡ ለኪ።

አፈዋተ፡ ጽጌ ፡ አርባዕ ፡ ወዕፍረት፡ አሮን ካህን ።

ጸናጽለ ፡ ወርቅ ፡ ብኪ ፡ አምሳለ ፡ ሮማን ።

ማርያም: ሂጶዴጤን ፤ ሰላም ፡ ሰኪ ።

በትረ ፡ አሮን ፡ ቅድመ : በደብተራ ፡ ሙሴ ፡ ጽግያ።

ትምርታ፡ ኮነት፡ ወአርአያ ።

ለንጽሕኪ ፡ ከመ ፡ ኬንያ ፤ ሰላም ፡ ለኪ ።

መዐዛ ፡ ሰላምኪ ፡ እሙ ፡ ዲበ ፡ ርእስየ፡ ከዕዊ

ማርያም ጽጌ ልብሰ መርዓዊ

ሰሊሆተ፡ ዘትጼንዊ ፤ ሰላም ፡ ለኪ ።

ይሁቡኪ ቃለ ፡ ውዳሴ ፡ በንቃወ ፡ ዜማ ጥዑም።

አዕዋፈ ገነት፡ ዘዘመነ ቀሥም

ማርያም ጽጌ፡ ገዳም፡ ሰላም፡ ለኪ ።

ሶበ አደመኒ፡ሊተ፡ ሥነ፡ገጽኪ፡ ልትይ ።

አስተማሰልክዎ ፡ በጽጌ፡ ሠናይ ።

ማርያም ዕንቁ ፡ ባሕርይ ፤ ሰላም ፡ ሰኪ ።

ከመይጔጒዕ ፡ ጽሙዕ ለሰትይ፡ ማየ

ለወድሶትኪ፡ ይጔጒዕ፡ ኣፉየ ፡

ማርያም ጽጌ፡ ወይንየ ፡ ሰላም ፡ ለኪ ።

ሐሊብኑ ወሚመ መዓር

ጣዕመ ፡ ውዳሰኪ በጽጌ ግቡር ።

ማርያም ንግሥተ ፡ ፍቅር፡ ሰላም ፡ ለኪ።

ለሠርጐ ፡ ቅዱሳን ፡ ጽጌኪ አሠርግውኒ ጸዳሎ ።

ማርያም : ርኅርኅት ፡ ለኃጥኣን፡ ኵሎ፡

ለምሒር፡ ወለተሣህሎ ሰሳም ለኪ

ለለዕብለኪ ፡ ሰላመ ፡ ከመ ፡ገብርኤል መልአክ ።

እምአፉየ ፡ ጽጌ ፡ ጊዜ ፡ ነግህ ፡ ወሠርክ ።

ተመጠዊ እመ፡ አምላክ ሰላም : ለኪ ።

ማርያም ዳግመ ተአምረኪ ትክሥቲ

እምድኅረ ፡ ንዋምየ ፡ ለመዋቲ

ምስለ ፡ ሰላምኪ ፡ ፍሥሓ ' ዘባቲ ፡

ታስተርኢ ፡ ከመ ፡ ጽጌ፡ ልሳንየ ፡ ዛቲ ።

ስብሐት ፡ ለከ ፡ ስምዐነ ፡ አምላክነ ፡

ወሰላመከ፡ ሀበነ ፡ እስመ ፡ ወሀብከነ ኵሎ።

ስብሐተ፡ ዚአከ፡ ንግግር ፡ እምትካት፡ ዘሀሎ

በበመዓርግ፡ ወበበ መትሎ፤ ስብሓት፡ለከ ።

ሐፈ ፡ ገጽከ ፡ ዘውኅዘ እምብዝኀ ፡ ዐቢይ ድካም ፡

እስከ ፡ ተመሰለ ፡ ነጻፍጻፈ፡ ደም ፡

ዘጸለይከ፡ ጊዜ፡ ንዋም ፡ ስብሐት፡ ለከ ፡

አንተ ተአተትከ ሕቀ እምአርዳኢሁ ኄራን

ከመ ለጸሎት ታርኢ ፍልጠት መካን

ዘየአክል ሙጋረ እብን ስብሐት፡ለከ ።

ለአርዳኢከ መንፈሰ፡ጊዜ፡ለጸሎት፡ ትፌኑ፡፡

ወለኵሎሙ ብከ እለ የአምኑ።

ቅዱሳነ ከመ ይኩኑ ፣ ስብሐት ፡ ለከ ።

ኢተሓጒለ ብከ እግዚኦ ፡ እንበለ

ወልደ ሐጒል፡ ባሕቲቱ ፡

እምሐዋርያት ዐሥር ወክልኤቱ

በኀቤከ፡ እለ፡ ተአኵቱ፤ ስብሐት ፡ ለከ ።

አባ አኅልፋ እምኔየ ፡ ለዛቲ ፡ ጽዋዕ ።

ኦ፡ ዘትቤ ፡ በልማደ፡ ሰብእ ፡

ኢየሱስ አምላከ መዊዕ፡ ስብሐት ለከ ።

ዕቀበነ ፡ ወትረ እግዚአ ፡ በዛቲ ሰዓት

እምእለ ይትባሐትዉ አጋንንት ።

ዐውደነ ሕጽር ፡ በኀይለ ፡ መላእክት

እስመ፡ ናሁ፡ ሰፈነ : ሌሊት ፤ስብሐት፡ ላከ።

ስብሐት ፡ ለክሙ ሥሉስ ቅዱስ፡ በረከተ፡ ኅቡእ፡ ጥበብ ፡

ሰብዐተ ፡ ፍጥረተ፡ እንበለ ፡ ነቢብ ።

ዘፈጠርክሙ፡ በኀልዮ፡ ልብ ስብሐት፡ ለክሙ

ከመ ፡ ያዕርፍ ገብር፡ እምቅኔተ፡ ሰብእ፡ እግዚኡ፡

አራዊትኒ እምግብ ፡ ከመ ፡ ይፃኡ።

ጽልመተ ፡ ዘታመጽኡ ስብሐት ለክሙ

እንበለ፡ ንዋም፡ ሥላሴ፡ ለበዓለ ንዋም ፍጡር

ዘተዐቅብዎ እምእኩይ ፡ ግብር

በጽልመት፡ ዘየሐውር፡ ስብሐት ፡ ለክሙ ።

እንዘ፡ ተዐቅቡ፡ ሰብአ፡እስከ ይበጽሕ ጊዜሁ

እምንዋም ፡ ለሞት፡ አምሳሊሁ ።

ሥላሴ ዘታነቅሑ ስብሐት ፡ ለክሙ ።

ትእዛዘ ፡ ቃልክሙ ፡ ይኩን ፡ አምጣነ ብሔር፡ መስየ ።

ጸላዒ ኢይባእ ውስተ፡ ቤትየ

ሥላሴ፡ ዘከሓ ሥላሴ ዝዝየ ።

በሰላም፡ ኅድሩ ምስሌየ ፤ ስብሐት ፡ለክም።

ስብሐት ፡ ለእግዚኣብሔር ኪያነ ዘፈጠረ ከም ናምልኮ

ስብሐት ለማርያም ፡ እመ ፡ አምላክ ፡ እግዝእትነ ወመድኃኒነ ።

ስብሐት ለመስቀለ ፡ ክርስቶስ ፡ ዕፀ መድኃኒት ኃይልነ ፡ ወፀወንነ

ጸሎተ ፡ ሃይማኖት በል ።