አቤቱ አቤቱ ኃጢአቴ

✦

አቤቱ አቤት ኃጢአቴ ብዛቱ^፪
መስፊሪያም የለውም እርስ ካልተወኝ በቸርነቱ
ከእኔ ኃጢአት ይልቅ ይበዛል ምሕረትህ
አደራ እንድትምረኝ ጌታ በቸርነትህ^፪
እስከ አንገቴ ደርሶ የኃጢአቴ ብዛት
ሊውጠኝ ነውና አውጣኝ የእኔ አባት^፪
ለእግሬ መቆሚያ ከሌለው ባሕር
ድረስልኝ ጌታዬ ወድቄ እንዳልቀር^፪
ወደአንተ ስጣራ በጩኸት ደክሜ
ተስፋ ሊያስቆርጠኝ የኃጢአት ሸክሜ^፪
ወደ ኃላ ልቤ እንዳይመልስኝ
መልካም እረኛዬ አንተ ጠብቀኝ^፪
የሠራሁት ሁሉ ከአንተ አይሰወርም
ይቅር ትለኛለህ አልጠራጠርም^፪
መመለሴን እንጂ መሞቴን አትወድም
በዚህ እጽናናለሁ ከፍቅርህ አልርቅም^፪
አንተን ስበድልህ ይቅር እንዳልከኝ
የሚበድሉኝን ይቅር በልልኝ ^፪
ይቅርታ ለማድረግ እኔን ቢከብደኝ
አንተ አይቸግርህም ይቅርታ ስጠኝ ^፪

✦