አደባባይ ቆሜ

✦

አደባበይ ቆሜ ስምህን ከመስበክ
መጀመሪያ ልቤ ከፊትህ ይንበርከክ
ከአገልግሎት በፊት አንተን ልወቅህ
መሥዋዕት ከማቅረብ ልታዘዝልህ^፪

አሐዱ አብ ብዬ ስምህን ብቀድስ
ለድሆች ብሰጥ ቤትህ ብገሰግስ
በመላእክት ልሳን ብዘምር በእልልታ
ምን እጠቅማሃለሁ ካልፈራሁ ጌታ^፪

ተራራ እስካፈልስ እምነት ቢኖረኝ
ሥራ ከሌለበት ምንም አይጠቀመኝም
ልቤን ስትመረምር ከሆንኩኝ ቀላል
ክርስቲያን መባሉ ምን ይጠቅመኛል^፪

ጨው አልጫ ቢሆን በምን ይጣፍጣል
ከውጭ ተጥሎ በእግር ይረገጣል
አንተን ለሚከተል እንዳልሆን እንቅፋት
አምልኮቴ ይሁን በፍቅር በፍርሃት^፪

የዕውቀት ሰው መሆን አልጠቀመኝ
እኔስ መስቀልህ ነው ፍቅርህ ያሸነፈኝ
ከእምነቴ የተነሳ መታዘዝ የሆነኝ
ስምህን መፍራት ነው በእምነት የሚያኖረኝ^፪

✦