አምላክ ዘበአማን

✦

አምላክ ዘበአማን ኢየሱስ ክርስቶስ^፪
እውነተኛ ፈራጅ መንግሥቱን የሚያወርስ^፪
ለድንግል ማርያም ልጅ ለዘለዓለም ጌታ
ምስጋናን እናቅርብ ከጧት እስከ ማታ

መስቀል ላይ ተሰቅሎ ዓለምን አድኗል
ዲያብሎስን አሥሮ መርገምን አጥፍቷል
ኢየሱስ የሚለው መድኃኒት^፪ ነው ስሙ
ከክፉ ያድናል ልዩ ነው^፪ ጣዕሙ

አዝ

ቅዱሱ ሥጋውን የከበረ ደሙን
ብሉ ጠጡ ያለ የሰው ልጅ እንዲድን
ኢየሱስ ክርስቶስ የአማልክት^፪ አምላክ የነገሥታት ንጉሥ
የጌቶችም ጌታ ዘለዓለም^፪ ይወደስ

አዝ

በመንፈስ ቅዱስ ግብር ከድንግል ያለ አባት
በተዋሕዶ ከብሮ ተወልዷል በእምነት
ጥበብም በእጁ ነው ፈጣሬ^፪ ዓለማት
ኢየሱስ ክርስቶስ ርኅሩኅ^፪ ነው ቸር አባት
አዝ

አማላጅ አይደለም ነቢይም አይደለም ይነገር እውነቱ
ተማላጅ ነው እንጂ የነቢያት አምላክ ኃያል ጌትነቱ
ለፍጡራን አምላክ ለሚምር^፪ ለሚያድን
ለሚያድል በረከት ሰላምን ሰላምና ፍቅርን
ለኢየሱስ ክርስቶስ እንስገድ የአምልኮ ስግደትን

✦