እግዚአብሔርን ጠራሁት

✦

እግዚአብሔርን ጠራሁት በኀዘኔ ጊዜ
እግዚአብሔርን ጠራሁት በጭንቀቴ ጊዜ
አወጣኝ ከጭንቀት ከሐዘን ከትካዜ /፪

የልመናዬን ድምጽ እርሱ ሰምቷልና
ጆሮውን ወደ እኔ አዝንብሏልና
በዘመኔ ሁሉ ስጠራው እኖራለሁ
ጎስቋላ ብሆንም ምስጋና አቀርባለሁ^፪

እንደ ቃልህ መጓዝ መራመድ አቅቶኝ
የኃጢአቱ መንገድ ማእበሉ ገፍቶኝ
ወደ እርሱ ስማጸን ደግሞም ስጸጸት
አላሳፈረኝም መጣ በምሕረት ^፪

በበዛው ምሕረቱ ያለፈውን ትቶ
በፍቅሩ ጎበኘኝ አልተወኝም ከቶ
ሊቀበኝ ወዶ ፊቱን አበራልኝ
ማን ይቃወመኛል እግዚአብሔር ካለልኝ^፪

ኖኅን አንዳዳንከው እኛንም አድነን
ከቀስቱ እንድናመልጥ ምልክትን ስጠን
በትርህ ምርኩዝህ እነርሱ ያጽናኑን
አንተ ከእኛ ጋር ነህ አንፈራም ክፉውን^፪

✦