ዘይክል ኲሎ

✦

ዘይክል ኲሎ ወአልቦ ዘይሰአኖ ለእግዚአብሔር
አምላከ ነዳያን ረዳኤ ምንዱባን
ንኅነ ሀቤከ ^፪ ተማፀነ

የድሆች አለኝታ ተስፋ ላጡ ተስፋ
ሁሉንም የሚችል ደራሽ ለተገፋ
ለእኛም ድረስልን በኃጢአት ሳንጠፋ
አዝ . . . /ናዛዜ ኅዙናን/

ከገነት ሲባረር አዳም ተሳስቶ
ባለቀሰ ጊዜ ልጅነቱን አጥቶ
ትድናለህ ብለህ ያዳንከው በመስቀል
የቅዱሳን አምላክ አቤቱ ቸል አትበል
አዝ . . . /ወተስፋ ቅቡጻን/

ሕዝበ እስራኤልን ፈርኦን ሲገዛቸው
ጭንቅና መከራ እያጸናባቸው
በእነራሔል ልቅሶ ሙሴን ላክህላቸው
አዝ . . . /ረዳኤ ምንዱባን/

እኛም ወገኖችህ ወደ አንተ እንጮሃለን
ከጭንቅ ከመከራ እንድትታደገን
ጌታ አንተ ነህና ናዛዜ ኅዙናን

አዝ . . . /ናዛዜ ኅዙናን/
አዝ . . . /ወተስፋ ቅቡጻን/

✦