መሐረነ አብ

ሃሌ ሉያ ዘበእንቲአሃ ለቤተ ክርስቲያን ተጸፊእከ በውስተ ዐውድ ከመ ትቀድሳ በደምከ ክቡር። ዘበእንቲአሃ ዝግሐታተ መዋቅሕት ፆረ ፤ ወተዐገሠ ምራቀ ርኩሰ እንዘ ዐልቦ ዘአበሰ። አምላክ ዱበ ዕፀ መስቀል ተሰቅለ። ሃሌ ሃሌ ሉያ አርእየነ እግዚኦ ሣህለከ ረዲኤ ኰነነ ወኢትግድፈነ። መሐረነ ፤ መሐከነ እግዚኦ እግዚኦ ተሣሃለነ። መሐረነ አብ ጸሎት መሐረነ አብ ሃሌ ሉያ ተሣሃለነ ወልድ ሃሌ ሉያ መንፈስ ቅደስ መሐሪ ተዘከረነ በሣህልከ። ለከ ንፋኑ ስብሐተ ወለከ ነዓርግ አኰቴተ። መሐረነ መሐሪ ኃጢአተነ አስተሥሪ። ወአድኅነነ ወተማኅፀን ነፍስነ ወሥጋነ ክርስቶስ ወልደ እግዚአብሔር። አምላክነ ወመድኃኒነ ኢየሱስ ክርስቶስ ተሣሃለነ። በብዝኃ ምሕረትከ ደምስስ አበሳነ ፤ ወፈኑ ሣህለከ ላእሌነ። መሐረነ አብ ጸሎት እስመ እምኀቤከ ውእቱ ሣህል። ሃሌ ሉያ መሐረነ አብ መሐሪ ወተሣሃለነ ፤ ሀብ ሣህለከ መሐሪ ኢታጥፍአነ ተዘኪረከ ዘትካት። በምሕረትከ እስመ መሐሪ አንተ ፤ ወብዙኅ ሣህልከ ለኵሎሙ እለ ይጼውዐከ። ይጼውዐከ በጽድቅ ፤ ሰማዑ ወትረ ከሃሊ ዘውስተ አድኅኖ። ከሃሊ ዘውስተ አድኅኖ ለአምላክነ እስመ ጽድቅ ቃሉ። መሐረነ አብ ጸሎት ንስአሎ ለአብ ይፈኑ ለነ ሣህሎ ፤ እስመ አብ የአክል ለዘሰአሎ። ሃሌ ሉያ ስብሐት ሎቱ ይደሉ ፤ ሃሌ ሉያ አኮቴት ሎቱ ይደሉ። ሃሌ ሉያ ለክርስቶስ ለእግዚአ ኵሉ። ሃሌ ሉያ ሃሌ ሃሌ ሉያ ወይእዜኒ መኑ ተስፊየ አኮኑ? እግዚአብሔር መሐረነ አብ ጸሎት ውስተ እዳከ እግዚኦ አመኀፅን ነፍስየ። ኀበ አምላከ ምሕረት አመኀፅን ነፍስየ። ኀበ ንጉሠ ስብሐት አማመኀፅን ነፍስየ። በእግዚእየ ወአምላኪየ አመኀፅን ነፍስየ። እምኵሉ ምግባረ እኩይ አድኅና ለነፍስየ። ሀቡ ንስአሎ ንስአሎ ወናስተምሕሮ ለአምላክነ ጻድቅ እስመ ጽድቅ ቃሉ። መሐረነ አብ ጸሎት ዘይክል ኵሎ ወአልቦ ዘይሰአኖ። አምላከ ነዲያን ረዲኤ ምንደባን ንሕነ ኀቤከ ተማኅፀነ። ዘይክል ኵሎ ወአልቦ ዘይሰአኖ። አምላከ ነዲያን ናዛዜ ኅዙናን ንሕነ ኀቤከ ተማኅፀነ። ዘይክል ኵሎ ወአልቦ ዘይሰአኖ አምላከ ነዲያን ወተስፊ ቅቡፃን ንሕነ ኀቤከ ተማኅፀነ። መሐረነ አብ ጸሎት ኦ እግዚአብሔር አብ አኃዜ ኵሉ መሐረነ። ኦ ወልድ ዋሕድ ኢየሱስ ክርስቶስ ተሣሃለነ። ኦ ጰራቅሊጦስ መንፈሰ ጽድቅ ሥረይ ለነ ሀሉ ምስሌነ። እስመ አልብነ ረዲኢ በጊዜ ምንዲቤ ወኃዘን እስመ ዘእንበሌከ ባዕድ አልቦ ዘነአምር። መሐረነ አብ ጸሎት ኤሎሄ ኤሎሄ ዘአመ ትቤ በጽራሕከ ተማኅፀነ ምሕላነ ስምዓ አምላክነ። አይቴ ውእቱ አምላኮሙ ከመ ኢይበሉነ አሕዛብ ምሕላነ ስምአ ቃለ አብ። አይቴ ይእቲ ትምክህቶሙ ከመ ኢይበሉነ ውሉደ መርገም ምሕላነ ስምዑ ማርያም። መሐረነ አብ ጸሎት በእንተ ማርያም ወላዱትከ ምሕላነ ስማዕ በእዝንከ። በእንተ ማርያም ሐፃኒትከ ምሕላነ ስማዕ በእዝንከ። በእንተ ማርያም ጸዋሪትከ ምሕላነ ስማዕ በእዝንከ። ወበከመ ዐቀብከነ እምነግህ እስከ ሠርክ ፤ ዕቀበነ እግዚኦ እምሠርክ እስከ ነግህ። መሐረነ አብ ጸሎት ተሣሃለክ እግዚኦ ምድረከ ሃሌ ሉያ ስማዕ ጸሎተነ ወስእለተነ ወሥረይ ኵሎ ኃጢአተነ ስማዕ ጸሎተነ ወስእለተነ ዘሰማዕኮ ጸሎቶ ወስእለቶ ለዕዝራ ፤ ተወከፍ ምሕላነ ሰላመከ ሀበነ ፤ ወእማእከሌነ ኢትርኀቅ። ወሚጥ መዓተከ እምኔነ ሃሌ ሉያ። ንዑ ኀቤየ እንቲአየ ሠናይት ርግብየ መዓዛ አፈሃ ከመ ኮል ወኵሉ ነገራ በሰላም። መሐረነ አብ ጸሎት አርእየነ እግዚኦ ሣህለከ ሃሌ ሉያ መልአከ ሰላምነ ሊቀ መላእክት ሚካኤል ሰአል ወጸሊ በእንቲአነ ፣ አርዕግ ጸሎተነ ቅድመ መንበሩ ለንጉሥ ዐቢይ። ገብርኤል አብሠራ ለማርያም ወይቤላ ትወልዱ ወልደ ፤ ዘይነግሥ ለቤተ ያዕቆብ ለዓለም ፤ ወአልቦ ማኅለቅት ለሰላሙ። መሐረነ አብ ጸሎት ዮሐንስ ክቡር ነቢየ ልዐል ብእሴ ሰላም ዘንብረቱ ገዲም። ሰአል ለነ ጊዮርጊስ ኀበ እግዚአብሔር ወጸሊ በእንቲአነ። ሀረድዎ ፤ ወገመድዎ ፤ ወዘረዉ ሥጋሁ ከመ ሐመድ ፤ ወወሰድዎ ኀበ ሰብዓ ነገሥት። ረገጸ ምድረ አንሥአ ሙታነ አባ ጊዮርጊስ በሰላም ዐደወ መንግሥተ ክብር ወረሰ። መሐረነ አብ ጸሎት ጥምቀተ አምጽአ ሕፅወ ንግሥት ለእሊአሁ፤ እምኀበ ፉልጶስ ድኅረ ተጠምቀ ለሊሁ፤ ሰላማ አቡነ አምጽአ ለነ በዕድሜሁ፤ ለመድኃኒነ ምሥጢረ ደሙ ወሥጋሁ። ብፁዕ አባ አቡነ ተክለሃይማኖት ዘዓለ ገዲማተ በኀበ እግዚኡ ይንሣእ ዕሤተ ቦአ ገዲመ ደብረ ሊባኖስ በፍሥሐ ወበሰላም። መሐረነ አብ ጸሎት ጻድቅሰ ከመ በቀልት ይፈሪ ወይበዝኅ ከመ ዘግባ ዘሊባኖስ ገብረ መንፈስ ቅደስ ኖመ ኖመ ኢየሩሳሌም በፍሥሐ ወበሰላም። ሣህል ወርትዕ ተራከባ ጽድቅ ወሰላም ተሳዐማ አመ ተሰምዓ ዜናከ በዓለም ዜና ማርቆስ ክቡር መምህረ ሰላም ዘህላዌከ ገዲም። መሐረነ አብ ጸሎት ባርከኒ አባ እንሣእ በረከተከ በእንተ ሰላማ ለቅድስት ቤተ ክርስቲያን አባ ባርከኒ እንሣእ በረከተከ። ማኅደረ ሰላምነ ቅድስት ደብተራ እሞሙ ለሰማዕት፤ ወእኅቶሙ ለመላእክት ንዐ ንስግድ ኵልነ ኀበ ማርያም እምነ። መስቀል ብርሃን ለኵሉ ዓለም መሠረተ ቤተክርስቲያን ወሀቤ ሰላም መድኃኔ ዓለም። መስቀል ለእለ ነአምን መድኅን። ለዓለም ወለዓለመ ዓለም። መሐረነ አብ ጸሎት ማኅደረ ሰላምነ ቅድስት ደብተራ እሞሙ ለሰማዕት፤ ወእኅቶሙ ለመላእክት ንዐ ንስግድ ኵልነ ኀበ ማርያም እምነ። መስቀል ብርሃን ለኵሉ ዓለም መሠረተ ቤተክርስቲያን ወሀቤ ሰላም መድኃኔ ዓለም። መስቀል ለእለ ነአምን መድኅን። ለዓለም ወለዓለመ ዓለም ሃሌ ሉያ። መሐረነ አብ ጸሎት ሰላመ አብ ወሰላመ ወልድ ወሰላመ መንፈስ ቅደስ የሀሉ ማእከሌክሙ አኃው። ካህን ሰላመ አብ ወወልድ ወመንፈስ ቅደስ ወፍቅራ ለእግዝእትነ ማርያም ድንግል ወላዱተ አምላክ ሞገሰ መስቀሉ ወኀብተ ረድኤቱ የሀሉ ምስለ ኵልነ ሕዝበ ክርስቲያን ለዓለመ ዓለም። እግዚኦ መሐረነ ክርስቶስ። በእንተ ማርያም መሐረነ ክርስቶስ። መሐረነ አብ ጸሎት ሰአሊ ለነ ማርያም ምሕረተ ወልድኪ የሐውጸነ እምአርያም። ሰአሊ ለነ ማርያም ለለሰዓቱ ተግባረ እደዊሁ ለወልድኪ ኢንጥፊእ በከንቱ። ኵሎ መዓልተ ወኵሎ ሌሊተ ብዙኃ ኃጢአተ ዘገበርነ በእንተ ማርያም እምከ መሐሪ መሐረነ። ሥመር እግዚኦ ከመ ታድኅነነ። ኢታረምም እግዚኦ ወኢትጸመመነ። ተዘከር እግዚኦ ከመ መሬት ንሕነ። እግዚኦ ዕቀባ ለሀገሪትነ ኢትዮጵያ። መሐረነ አብ ጸሎት እግዚኦ ዕቀባ ለመካንነ……..። እግዚኦ ዕቅበነ ለኵልነ ሕዝበ ክርስቲያን። እግዚኦ አእርፍ ነፍሳተ አግብርቲከ ወአእማቲከ ኵሎሙ ክርስቶሳውያን። መሐረነ አብ ጸሎት ስብሐት ለእግዚአብሔር ኪያነ ዘፈጠረ ከመ ናምልኮ። ስብሐት ለማርያም እመ አምላክ እግዝእትነ ወመድኃኒትነ። ስብሐት ለመስቀለ ክርስቶስ ዕፀ መድኃኒት ኃይልነ ወፀወንነ። መሐረነ አብ ጸሎት ጸሎተ ሃይማኖት ነአምን በአሐደ አምላክ እግዚአብሔር አብ አኃዜ ኰሉ ገባሬ ሰማያት ወምድር ዘያስተርኢ ወዘኢያስተርኢ፤ ወነአምን በአሐደ እግዚእ ኢየሱስ ክርስቶስ ወልደ አብ ዋሕድ ዘህልው ምስሌሁ እምቅድመ ይትፈጠር ዓለም። ብርሃን ዘእምብርሃን አምላክ ዘእምአምላክ ዘበአማን። መሐረነ አብ ጸሎት ዘተወልደ ወአኮ ዘተገብረ ዘዕሩይ ምስለ አብ በመለኮቱ ፤ ዘቦቱ ኵሉ ኮነ ወዘእንበሌሁሰ አልቦ ዘኮነ ወኢምንትኒ ዘበሰማይኒ ወዘበምድርኒ። ዘበእንቲአነ ለሰብእ ወበእንተ መድኃኒትነ ወረደ እምሰማያት። ተሰብአ ወተሠገወ እመንፈስ ቅደስ ወእማርያም እምቅድስት ድንግል። መሐረነ አብ ጸሎት ኮነ ብእሴ ወተሰቅለ በእንቲአነ በመዋዕለ ጲላጦስ ጴንጤናዊ። ሐመ ወሞተ ወተቀብረ ወተንሥአ እሙታን አመ ሣልስት ዕለት በከመ ጽሑፍ ውስተ ቅደሳት መጻሕፍት። ዐርገ በስብሐት ውስተ ሰማያት ወነበረ በየማነ አቡሁ። ዲግመ ይመጽእ በስብሐት ይኰንን ሕያዋነ ወሙታነ ወአልቦ ማኅለቅት ለመንግሥቱ። መሐረነ አብ ጸሎት ወነአምን በመንፈስ ቅደስ እግዚእ ማሕየዊ ዘሠረፀ እምአብ ንስግድ ሎቱ ወንሰብሖ ምስለ አብ ወወልድ ዘነበበ በነቢያት። ወነአምን በአሐቲ ቅድስት ቤተ ክርስቲያን እንተ ላዕለ ኵሉ ጉባኤ ዘሐዋርያት። ወነአምን በአሐቲ ጥምቀት ለሥርየተ ኃጢአት። ወንሴፍ ትንሣኤ ሙታን ወሕይወተ ዘይመጽእ ለዓለመ ዓለም። ካህን ሃሌ ሉያ ለአብ ፣ ሃሌ ሉያ ለወልድ ፣ ሃሌ ሉያ ለመንፈስ ቅዱስ ቦአ መልአክ ኀቤሃ ወቆመ ቅድሜሃ ወይቤላ ተፈሥሒ ተፈሥሒ ተፈሥሒ ፍሥሕት ኦ ማርያም ምልዕተ ፀጋ። ሕዝብ እግዚአብሔር ምስሌኪ ካህን ቡርክት አንቲ እምአንእስት ሕዝብ ወቡሩክ ፍሬ ከርሥኪ ካህን ተንብሊ ወሰአሊ ለነ ሕዝብ ኀበ ፍቁር ወልድኪ ካህን ኢየሱስ ክርስቶስ ሕዝብ ከመ ይሥረይ ለነ ኃጣውኢነ። ተፈሥሒ ኦ ማርያም ምልእተ ጸጋ፤ ተፈሥሒ እስመ ረከብኪ ሞገሰ፤ ተፈሥሒ እግዚአብሔር ምስሌኪ፤ ይደልወኪ ፍሥሐ እንበለ ሕጸጽ ወንትጋ፤ አምላከ ሰማያዊ ዘአግመርኪ በሥጋ።ተ ፈ ካህን ሃሌ ሉያ ለአብ ፣ ሃሌ ሉያ ለወልድ ፣ ሃሌ ሉያ ለመንፈስ ቅዱስ ቦአ መልአክ ኀቤሃ ወቆመ ቅድሜሃ ወይቤላ ተፈሥሒ ተፈሥሒ ተፈሥሒ ፍሥሕት ኦ ማርያም ምልዕተ ፀጋ። ሕዝብ እግዚአብሔር ምስሌኪ ካህን ቡርክት አንቲ እምአንእስት ሕዝብ ወቡሩክ ፍሬ ከርሥኪ ካህን ተንብሊ ወሰአሊ ለነ ሕዝብ ኀበ ፍቁር ወልድኪ ካህን ኢየሱስ ክርስቶስ ሕዝብ ከመ ይሥረይ ለነ ኃጣውኢነ። ተፈሥሒ ኦ ማርያም ምልእተ ጸጋ፤ ይደልወኪ ፍሥሐ እንበለ ሕጸጽ ወንትጋ፤ ንጉሠ ሰማያዊ ዘአግመርኪ በሥጋ።ተ ፈ ሥ ሒ ኦ ማ ር ያ ምምልእተጸጋተፈሥሒእስመረከብኪሞገሰተ ፈሥሒእግዚአብ ካህን ሃሌ ሉያ ለአብ ፣ ሃሌ ሉያ ለወልድ ፣ ሃሌ ሉያ ለመንፈስ ቅዱስ ቦአ መልአክ ኀቤሃ ወቆመ ቅድሜሃ አብሠራ ገብርኤል ለማርያም በክብር ወይቤላ ተፈሥሒ ተፈሥሒ ተፈሥሒ ፍሥሕት ኦ ማርያም ምልዕተ ፀጋ። ሕዝብ እግዚአብሔር ምስሌኪ ካህን ቡርክት አንቲ እምአንእስት ሕዝብ ወቡሩክ ፍሬ ከርሥኪ ካህን ተንብሊ ወሰአሊ ለነ ሕዝብ ኀበ ፍቁር ወልድኪ ካህን ኢየሱስ ክርስቶስ ሕዝብ ከመ ይሥረይ ለነ ኃጣውኢነ። ምልዕተ ፀጋ ተፈሥሒ እግዚአብሔር ምስሌኪ፤ ሰላማዊት ሰላም ለኪ፤ መንፈሳዊት ርግብ ወንሰግድ ለኪ፤ ማርያም በሥጋ እሳተ መለኮት ዘፆርኪ፤ መንፈስ ቅዱስ ፀለለኪ ወኀይለ ልዑል አጽንዓኪ ድንግል በሕሊናኪ ወድንግል በሥጋኪ።