ተፈሥሒ ማርያም ዘሰንበት ወበዓለ ሃምሳ

ሰላም ለማርያም አጽፈ ወልድ ዋሕድ፤ ወመጾረ ሕያው ነድ። ለድንግልናሃ ይደሉ ሰጊድ፤ ለማርያም ዘይቤ ኢይሰግድ፤ ሞጸፈ መብረቅ በሊኅ በርዕሱ ለይረድ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ተፈሥሒ ማርያም ለአዳም ፋሲካሁ ፤ ወማዕዶታ ለሔዋን እንተ ይእቲ ዐፅመ ገቦሁ ፤ እስመ ግዕዚኖሙ ኮነ ለወልድኪ በትንሣኤሁ ፤ በወርኃ ዕብሬትኪ እግዜእትየ ዘኢይትረከብ ከማሁ ፤ መኑ ዘይቴክዜ ወመኑ ዘይላሁ ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ተፈሥሒ ማርያም ወለተ አሮን ወሙሴ ፤ ዘትትቄጸሊ አብያዘ በትሴአኒ ብናሴ ፤ ለተአምርኪ ዜንቱ ሶበ ናቄርብ ውዳሴ ፤ ኅትሚ ፍጽመ ዙአነ በማኅተመ ቅድስት ሥላሴ ፤ አርእስተ አቃርብት ንኪድ ወንቀጥቅጥ ከይሴ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ተፈሥሒ ማርያም ወለተ ዳዊት ወወልዱ ፤ ጽጌ መዓዚ ዘዐርገ ለአብርሃም እምሥርወ ጕንዱ ፤ ያሥተፍሥሐኒ ጥቀ ዛና ተአምርኪ ለለአሐዱ ፤ አይሁድሰ ሶበ መንክራተኪ ክህዱ ፤ ሕያዋኒሆሙ ሲኦለ ወረዱ ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ነአኵተኪ ማርያም ወንሴብሐኪ ወትረ ፤ ሠርከ ወነግሀ ኵሎ አሚረ ፤ ኃይለ ተአምርኪ ዜንቱ ሶበ ንሬኢ ኅቡረ፤ ለልበ ጠቢባን መላእክት ዘያረስዖሙ ምክረ ፤ ወለሕፃናት ይከሥት ሥውረ ። ኵ ተፈሥሒ ማርያም ዘሰንበተ ክርስቲያን (እሑድ) ወበዓለ ፶ አአኵተኪ ማርያም ወሀቢተ ጸጋ በከንቱ፤ እስመ አልዐልክኒ ሊተ እመሬተ ምድር ዘታሕቱ፤ አንሥኦተ ነዳይሰ ወአልአሎ ምስኪን ጊዜ ድቀቱ፤ እወ እወ ለልብኪ ከመ ከማሁ ሥምረቱ፤ እወ ለዝኒ ፈቀድኪ ታሤንዪ ሎቱ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ጽብኢ ማርያም እለ ይጸብኡኒ በተሀብሎ ፤ ወግፍዓ ካዕበ እለ ይገፍዑኒ ኵሎ ፤ ተአምረኪ ታርእዪ ወለወልድኪ በቀሎ ፤ ይብል ዓብድ አኮኑ እግዙአብሔር ኢሀሎ ፤ ሶበ ላዕሌሁ ፍጡነ ኢያርአየ ኃይሎ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ንዓ ማርያም ምስለ ወልድኪ መዋዓ ፤ ከመ ታውድቂ ፍጡነ ርእሰ ፀር ወጸላዓ ፤ እስመ ፈታሒት አንቲ ማእከለ ግፉዕ ወገፋዓ ፤ ብፁዕ ብእሲ ድቀተ ፀሩ ዘይሬኢ ፤ ወብፁዕ ካዕበ ፍትሐኪ ሰማዓ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ዜ ውእቱ ዕድሜ ሣህልኪ ወዘተአምርኪ ጊዛ ፤ ማርያም ድንግል ምልዕተ ምሕረት ከመ ተከዛ ፤ እስከ ማዕዛኑ እሄሉ ማእከለ ብካይ ወእንባዛ ፤ ኦ ናዚዙት እንተ ወለድኪ ናዚዛ ፤ ኦ ንግሥት በቋዓት ብቍዕኒ ይእዛ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ሙሴ ነቢይ አመ ሕዘቢሁ ቈስሉ ፤ ተአምረ ገብረ ለአርዌ ብርት በምስሉ፤ እምዜኒ የዐቢ ኃይለ ተአምርኪ ንግሥተ ኵሉ፤ ወኀበ ተተክለ ለዋሕድኪ መስቀሉ፤ ሠራዊተ ደዌ ወሞት ቀሪበ ኢይክሉ ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ፈሪሆትኪ ማርያም ቀዳሜ ኵሉ ተዐውቆ ፤ ወአፍቅሮትኪ ካዕበ መሠረተ ጥበብ ወአጠይቆ፤ ተአምረኪ እሴብሕ በቃለ መዜሙር ወመሰንቆ፤ በውስተ ተአምርኪ እግዜእትየ ለዘአብአ ናፍቆ፤ አፍተዎ መዊተ ወሲዖል አጽሐቆ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ምንተ ረከቡ ካህናተ ሐሊባ ወሃላ፤ መንክራተ አምላክ ዘርእዩ እምሰኪኖን እስከ ጌልጊላ፤ ካህናተ ቤትኪሰ ማርያም ርግበ ገሊላ፤ እንዘ ይትአመኑ ለተአምርኪ ኃይላ ፤ ያፈልሱ ደብረ ወይመልሑ ሰግላ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ይቴክዜ ዓብድ ሶበ ልበ ጥበብ ውኅዶ፤ በኢያእምሮቱ አብዜኀ ሕማመ ዘይፈደፍዶ፤ ፍሡሕሰ ለፍቅርኪ ዘይፀመዶ፤ በቅድመ ሥዕልኪ እግዜእትየ ለለጊዛ ያነሥእ ዕዶ፤ ተስፋሁ ይረክብ ወይፍጽም መፍቅዶ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ዕቀብኒ በተአምርኪ ወአድኅንኒ እምማቴ፤ በከመ አድኃኖ ወልድኪ ለዮናስ ወልደ አማቴ፤ መዋዕለ ዕረፍት አንቲ ማርያም ጰንጠቈስቴ፤ እምኃይለ ድካም ያጸንዕ መዋቴ፤ ኅብስት ስብሐትኪ ወፍቅርኪ ስቴ ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ሴስይኒ ማርያም ለጸማድኪ አሳብ ፤ ሕብሰተ አእምሮ ሠናየ ወወይነ ጥበብ ፤ እመኒ ፈድፈደ ኃጢአትየ እምሕዜብ ፤ ተዘከሪ እግዜእትየ በርኅራኄኪ ዕፁብ ፤ ከመ አስተይኪዮ ማየ ለጽሙእ ከልብ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ኦ ፍጡነ ረድኤት ለጽኑዕ ወለድኩም ፤ ወለነፍሰ ኵሉ ቃውም ፤ ጊዮርጊስ የዋህ እንበለ መስፈርት ወዓቅም ፤ ከመ እግዜእትከ ቡርክት ማርያም ፤ እስመ ርኅሩኀ ልብ አንተ እምበቀል ወቂም። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ኦ ፍጡነ ረድኤት በብዘኅ ፆታ ፤ ከመ እግዜእትከ ርግበ ኤፍራታ ፤ በሰማይ በላዕሉ ወበምድር በታሕታ ፤ አምሕለከ ጊዮርጊስ በስመ እምከ ቴዎብስታ ፤ ሞገሰ ስምከ ተሀበኒ ከመ ስምከ መንታ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ኦ ፍጡነ ረድኤት እምሩጸተ ነፋስ ወአውሎ ፤ ለዘይጼውአከ በተወክሎ ፤ ጊዮርጊስ ቅረብ ለምሕረት ወለተሣህሎ ፤ ተወከፍ ወትረ ጸሎተነ ወቃለ ጽራህየ ኵሎ ፤ እስመ ልበ አምላክ ርኅሩኅ በኀቤከ ሀሎ ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ አፍጣኒተ ረድኤት ማርያም በጊዛ ምንዳቤ ወዓጸባ ፤ ለዓይን እምቀራንባ፤ አንቲ ውእቱ ረዳኢተ ያዕቆብ በቤተ ላባ ፤ በኵሉ ሕሊናሃ ወበኵሉ አልባባ ፤ ዘኢታፈቅረኪ ነፍስ ትሠሮ እምሕዜባ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ ለዘኢያፈቅረኪ እግዜእትየ ውኩፈ ኢይኩን ጸሎቱ፤ ይትገዘም ኑኃ ዓመቱ ወይጥፋእ በከንቱ፤ በአፈ መላእክት ወሰብእ ይትረገም ለለዕለቱ፤ ዘአስተማስሎ በተውኔት ለማኅሌተ ስምኪ ዜንቱ፤ ጌጋዩ ወኃጢአቱ ኢይትኀደግ ሎቱ። ተፈሥሒ ማርያም ዘሰንበተ ክርስቲያን (እሑድ) ወበዓለ ፶ እሰግድ ቅድመ ማርያም ለዜክረ ስምኪ በጽዋዕ ፤ ወእሰግድ ካዕበ ለድንግልናኪ ክልኤ ፤ ወእሰግድ ሥልሰ ለሥዕልኪ ቅድመ ጉባኤ ፤ ዘኢሰገደሰ ለሥዕልኪ አሥሪፆ ምምዕ ፤ በሥጋሁ ወበነፍሱ ኢይርከብ ትንሣኤ። ምንተኑ አዓሥየኪ ዕሤተ፤ በእንተ ኵሉ ዘገበርኪ ሊተ፤ ማርያም ሠናይት ዘታፈቅሪ ምሕረተ፤ ሶበሰ ትትዓቀቢ ዘዙአየ ኀጢአተ፤ እምኢሐየውኩ አሐተ ሰዓተ። በሰላመ ገብርኤል መልአክ ኦ እግዜእትየ ማርያም ሰላምለኪ፣ ድንግል በኅሊናኪ ወድንግል በሥጋኪ፣ እመ እግዙአብሔር ጸባኦት ሰላም ለኪ፣ ቡርክት አንቲ እምአንስት ወቡሩክ ፍሬ ከርሥኪ፣ ተፈሥሒ ፍሥሕት ኦ ምልዕተ ጸጋ እግዙአብሔር ምስሌኪ። መስተብቊዕ ለንግሥተ ኵልነ ካህን ወካዕበ ናስተበቍዓ ለንግሥተ ኵልነ ማርያም እምነ ወእሙ ለእግዙእነ ወመድኃኒነ ኢየሱስ ክርስቶስ ንስእል ወነኃሥሥ ናስተበቍዕ ወንዌድስ ዕበየ ተአምራቲሃ ብዘኀ ለእመ ጸባኦት ንጉሥ እለ ትነብሩ ተንሥኡ ወእለ ታረምሙ አውሥኡ። ማርያምሃ በቃለ ስብሐት ጸውዑ ፤ ቁሙ ወአጽምኡ ተአምረ ድንግል ከመ ትስምዑ። ዲያቆን ጸልዩ ቅድመ ሥዕላ ለቅድስት ድንግል መራዕተ አብ ወእመ በግዑ። ሕዜብ ቡርክት አንቲ ማርያም፤ ንግሥት አንቲ ማርያም፤ ሠናይት አንቲ ማርያም፤ ወቡሩክ ፍሬ ከርሥኪ መድኃኔ ኵሉ ዓለም። ካህን ንዑ ንስግድ ወንግነይ ላቲ ፤ ንዑ ንትፈሣሕ ወንትሐሠይ ባቲ ፤ እስመ አምላክ ይእቲ ዘበድንግልና ክልኤቲ ዚቲ ይእቲ ትንቤቶሙ ለነቢያት ፤ ሞገሰ ስብከቶሙ ለሐዋርያት ፤ እሞሙ ለሰማዕት ፤ ወእኅቶሙ ለመላዕክት ፤ ላቲ ይደሉ ክብር ወስብሐት ወለወልዳ አምልኮ ወስግደት በምድር ወበሰማያት በባሕር ወበቀላያት ለዓለመ ዓለም። ሕዜብ አሜን