ዘዮናስ ነቢይ 2

1ወአዘዘ ፡ እግዚአብሔር
፡ ዐንበሬ ፡ ዐቢየ ፡ የኀጦ
፡ ለዮናስ ፤ ወነበረ ፡
ዮናስ ፡ ውስተ ፡ ከርሠ
፡ ዐንበር ፡ ሠሉሰ ፡ መዐልተ
፡ ወሠሉሰ ፡ ሌሊተ ።

2ወጸለየ ፡ ዮናስ
፡ በውስተ ፡ ከርሠ ፡ ዐንበሪ
፡ ኀበ ፡ እግዚአብሔር
፡ አምላኩ ።

3ወይቤ ፤ አውየውኩ
፡ በምንዳቤየ ፡ ኀበ ፡
እግዚአብሔር ፡ አምላኪየ
፡ ወሰምዐኒ ፡ በውስተ
፡ ከርሠ ፡ ቀላይ ፡ ጽራኅየ
፡ ወሰምዐኒ ፡ ቃልየ ።

4ወወረወኒ ፡ ውስተ
፡ ልበ ፡ ቀላየ ፡ ባሕር
፡ ወዐገቱኒ ፡ አፍላግ
፡ ወመጽአ ፡ ላዕሌየ ፡
ኵሉ ፡ ማዕበልከ ፡ ወሞገድከ
።

5ወአንሰ ፡ እቤ ፤
ገደፍከኒኑ ፡ እንጋ ፡
እምቅድመ ፡ አዕይንቲከ
፡ እደግም ፡ እንጋ ፡ ርእየ
፡ ቤተ ፡ መቅደስከ ።

6ውሕዘ ፡ ማይ ፡
እስከ ፡ ነፍስየ ፡ ወዐገቱኒ
፣ ቀላይ ፡ በታሕቱ ፡ ወተሰጥመ
፡ ርእስየ ፡ ውስተ ፡ ንቅዐታተ
፡ አድባር ።

7ወወረድኩ ፡ ውስተ
፡ ምድር ፡ እንተ ፡ ዕጽው
፡ መናስግቲሃ ፡ እምፍጥረተ
፡ ዓለም ፡ ወዐርገት ፡
እምኔየ ፡ እምነ ፡ ሙስና
፡ ሕይወትየ ።

8ወተዘከርክዎ ፡
ለእግዚአብሔር ፡ ሶበ
፡ ኀልቀት ፡ ነፍስየ ፡
እምላዕሌየ ፡ ትብጻሕ
፡ ጸሎትየ ፡ ኀቤከ ፡ ጽርሐ
፡ መቅደስከ ።

9ወእለሰ ፡ የዐቅቡ
፡ ከንቶ ፡ ወሐሰተ ፡ ገደፉ
፡ ሣህሎሙ ።

10ወአንሰ ፡ በቃለ
፡ ጸሎትየ ፡ እገኒ ፡ ለከ
፡ ወአሠውዕ ፡ ለከ ፤ ኵሎ
፡ ዘበፃዕኩ ፡ እፈድየከ
፡ በሕይወትየ ፡ ለእግዚአብሔር
።

11ወተአዘዘ ፡ ውእቱ
፡ ዐንበሪ ፡ ወአውፅኦ
፡ ለዮናስ ፡ ውስተ ፡ ምድር
።