ስብሐተ ፍቁር ዘእግዝእትነ ዘማርያም

ታዓብዮ ነፍስየ ለእግዚአብሔር ፫ ጊዜ በል ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

በስመ አብ ወወልድ ወመንፈስ ቅዱስ ሥላሴ

ብሂልየ ወጠንኩ ዘለኪ ውዳሴ

ማርያም እህቱ ለሙሴ ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንዒንዒ ንዒ ማርያም ዘትነብሪ በአርያም

ወንዒ ሠናይትየ ዘገነት ኤዶም ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እምቅድመ ሰማይ ወምድር ሀልዎትኪ

ፀሐይ ወወርኅ ኢቀደሙኪ

መላእክተ ሰማይ ይትለአኩኪ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንዒንዒ ንዒ ድንግል ምስለ ወልድኪ አማኑኤል እግዚአ ምሕረት ወሣህል

ብፅዕት አንቲ ወንግሥተ ጽድቅ

ዘትመንኒ ማርያም መንበረ ሥላቅ

ታቦትነ አንቲ እንተ ወርቅ ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እፎኑ ድንግል ነገሥታተ ምድር ተንሥኡ

ሕዝበኪ ትሑታነ ከመ ይጽብዑ

መላእክት ኅቡረ ተጋብዑ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ሚበዝኁ እለ ይሣቅዩኒ ሊተ

ቀብጹኒ እምልብ ከመ ዘሞተ

ማርያም ኵንኒ ረዳኢተ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ድክምትናየ ባርኪ ለለጊዜ ጽባሕ ወሠርክ

ጻማ ንግደትየ ኢይኩን በበክ

ማርያም እሙ ለአምላክ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ሶበ ንጼውዓኪ ዘልፈ ማርያም ቅረቢ

ምንዳቤነ ንስቲተ ከመ ታርኅቢ

ቅድመ ሕዝበኪ ሰላመ ተናበቢ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ቃለነ አጽምዒ ማርያም ንግሥት

ወጽራኅነ ለብዊ መሥዋዕተ ስብሐት

እስመ ኀቤኪ ንጼሊ በፍርሃት ተወከፊ ለነ መሐሪት ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

በጽባሕ ወዮም እምድኅረ ሌሊት

ትምክህትነ አንቲ ማርያም ወለተ ዳዊት

በቅድሜኪ ንሰግድ በፍርሃት

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ሶበ ላዕሌነ ጥቀ አርዑተ ዓመፃ አክበዱ

እለ ፀንሱ ኀጢአተ ወወለዱ ማርያም ኀቤኪ ናንቀዓዱ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ለምንት ቆምኪ እምነ ርኁቅ

አርዌ ዘወድቀ በአምሳለ መብረቅ

እንዘ ሕዝበኪ ይውኅጥ በበሕቅ ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እንዘ ንትዌከል ኪያኪ እምነ ሕሊና ወአፍ

ውስተ አድባር አግብርትኪ ርእሰ ጸድፍ

እፎኑ ነዓይል ከመ ዖፍ ሰአሊ

ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

አድኅነኒ ሊተ እስመ ኀልቀ ኄር

ወውህደ ሃይማኖት እምገጸ ምድር

ማርያም እሙ ለክቡር

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እስከ ማዕዜኑ አነብር ውስተ ልብየ

ዓሊውየ ሕገ ወትእዛዘ

ማርያም ኩንኒ መናዝዘ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

አፈቅረኪ ድንግል በኵሉ ኃይልየ እስመ አንቲ ጸወንየ

ወማዕምንትየ ውስተ ዕዝንኪ ይባዕ ጽራኅየ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እግዚአብሔር ዐቢይ ወአኰቴቱ ብዙኅ

በእንቲአኪ ማርያም ንግሥተ ፍትሕ

ዲበ ጸርነ ፈንዊ ማየ አይኅ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ተአምራተኪ ይስምዑ አሕዛብ ኵሉ ነገድ

ሥምረተ አበ ማርያም ወማኅደረ ወልድ

ማኅበረነ ዕቀቢ እምብድብድ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ተሣሃልኒ ድንግል ተሣሃልኒ

ወእም አበሳየኒ ማርያም አንጽሕኒ

ይእዜኒ ፍጡነ ወዘልፈኒ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ተሠሃልኒ እግዝእት ከመ ኢይኪደኒ ሰብእ

ወኢያስርሐኒ ቀትል በዕለተ ጽብዕ

ማርያም ርድአኒ ለግፉዕ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እግዚአብሔር ይፌኑ ሣህሎ ወጽድቆ

ከመ ንግነይ ለኪ ማርያም በኢናፍቆ

በመዝሙር ሓዋዝ ወበመሰንቆ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ሶበ ጸዓለ ስመኪ ቅድመ ማኅበር

ፀርኪ ማርያም ኅምዘ አርዌ ምድር

ከመ ማይ ይትከዓው በሓሳር

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንግሥተ እሥራኤል አንቲ ገባሪተ ኃይል

አፅራረነ ንስቲተ ወስተ ግበ ኃጉል

ማርያም እሙ ለልዑል

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

አኮኑ ገለዓድ ርስተ ምናሴ አቡኪ ዛቲ ሀገር ምስማከ ርስእኪ

ቅንዒ ለሕዝብኪ ወኢትግድፊ መርዔተኪ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ሶበ ይዴግነኒ ፀር ወይንዕወኒ

ተንሥኢ ወሣህልኪ ወትረ ይብጽሐኒ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ማርያም ስምዒ ጸሎተነ ወይብጻሕ ቅድሜኪ ገዐረነ

ወኢትሚጢ ገጸኪ እምኔነ ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ትባርክኪ ነፍስነ በአትሕቶ ክሳድ ወርእስ ወይገንያ አዕጽምቲነ

ለእመ ንጉሥ ለስመ ዚአኪ ብፁዕ ወቅዱስ

ሰአሊ ለነ ማርያም

ኀበ ወልድኪ ኄር መድኃኔ ዓለም።

ንባርከኪ ድንግል በኵሉ ኃይልነ እስመ ለበስኪ ስብሐተ

ወአሚነ ወደመናተ ረሰይኪ አሳዕነ

ሰአሊ ለነ ማርያም ኀበ

ወልድኪ ኄር መድኃኔ ዓለም።

ለእግዚአብሔር ግነዩ ወጸውዑ ስሞ ከመ ካህናት ዘርዕዮሙ

ነቢየ ፍጥሞ፡ዠአልቦ ጽርዓት ወአርምሞ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ዘርዓ አብርሃም ኵሎሙ አግብርቲሁ ወደቂቀ ያዕቆብ ልዑል

ኅሩያኒሁ ለስመ ዚአኪ ድንግል ይሴብሑ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንዑ ንስግድ ወንግነይ ላቲ

ለማርያም ድንግል ወለተ ማቲ

እስመ ተስፋነ ንረክብ እምይእቲ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንዑ ንስግድ ወንግነይ ለንግሣ

እስመ ጾረቶ ለአምላክ በውስተ ከርሣ

ማርያም እሙ ለአንበሳ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንዑ ንስግድ ለባሕቲታ ለማርያም ድንግል ስመ መንታ

ለአግብርታ ወለአዕማታ ትኵነነ ወልታ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ጥቡዕ ልበየ እግዚአ ጥቡዕ ልብየ

በፍቅርኪ ማርያም እግዝአትየ፡፡

ሀገረ ጥቅም ረስዩ ዐፀድየ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

በከንቱ ፀብዑኒ ልሙዳነ ፀብዕ፡፡

ወአብቀው ላዕሌየ አፈ ኃጥዕ፡፡

ማርያም ርድእኒ በግፋዕ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እለ ይፈድዩኒ ኩሉ ህየንተ ሠናይት እኪተ፡፡

ይልበሱ ሐሰረ ወመቅሠፍተ፡፡

ወብእሲቶሙ ትኩን መብለተ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ከመትሚጢ ልበነ እምነገረ ከንቱ ወበክ፡፡

ለኪ ማርያም እመ አምላክ

አንሥአ እደዊነ መሥዋዕተ ሠርክ ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ለእግዚአብሔር ስቡሕ ንሴብሖ፡፡

ወንፀርሕ ፈድፋደ በከልሖ፡፡

ለስምኪ ድንግል ንኤምሖ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

አጽምእ ሰማይ ነገረ ዚአየ፡፡

ወትስማዕ ምድር ቃለ አፋየ ፡፡

ማርያም ይእቲ ትውክልትየ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እስመ እሳት ትነድድ እመዓት አምላክ ወልዳ፡፡

ወታውዒ ፀረነ በዕለተ ፍዳ፡፡

ማርያም ንግሥት ዘይሁዳ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ፀንዐ ልብየ በእግዚአብሔር ግሩም፡፡

እምቅድመ ትትወለዲ ድንግል ማርያም፡፡

ጽሎተ ሐና ተሰምዐ በሴሎም፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ማርያም በቅድሜኪ ከመ ዐድገ መረብ ዕነቁ፡፡

ወእንበብ ከመ ርግብ እንዘ አስቆቁ፡፡

ሣህልኪ ይምጻእ እምሥራቁ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ሕይወትነ ወጽአት ወኃለፈት ዓዲ፡፡ ከመ ዘይ ተክል

ለኃዲር ወኢያጐነዲ፡፡ ፈላሲ ነኪር ወነጋዲ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እስመ ለጽድቃን አኮ ሥርየተ ንስሐ ዘከነ፡፡

ዳእሙ ለኃጥአን እለ ከማነ፡፡

ማርያም ሥረዩ አበሳነ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እመ ተለዓለ ጥቀ ወለእመ ፈድፋደ ዐብየ፡፡

ኢትመጥውኒ ማርያም ለኀጢአትየ፡፡

ወኢትዕቀቢ ሊተ እከይየ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ተሰጠምነ ናሁ ውስተ ባሕረ ኀዘን እሙቅ፡፡

ወወረድነ ታሕተ ከመ መልሕቅ፡፡

ለአውጽአትነ ንዒ እመሊቅ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ጸሎትነ ትዕርግ ዘአልበ ሙስና፡፡

በቅድሜኪ ማርያም ወለተ ሐና

ወስእለትነ ትትዓደው እምደመና፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

በነፍስ የዋህ ወበመንፈስ ትሑት፡፡

ዘናቄርብ ለኪ ማርያም መሥዋዕተ ስብሓት፡፡

ተወከፊ ለነ መሐሪት፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

እምዘባነ ኪሩብ ዘይሬኢ ከርሠ ቀላያት፡፡

እስመ እምኔኪ ተወለደ ንጉሠ ስብሓት ፡፡

ማርያም፡፡ ስብሕት ወቡርክት፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

.

መላእክት ወሰበእ ወእንስሳ ምድር፡፡

አእዋፈ ሰማይ ወዓሣተ ባሕር፡፡

ይሴብሑኪ ድንግል በማኀበር

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

በአፈ መላአክት ቅድመ ወበአፈ ሰብእ ዳግመ፡፡

ድንግልናኪ ክልዔ ዘረገመ

ርጉመ ይኩን ወኀርቱመ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ርጉመ ይኩን ዘይረግመኪ፡፡

ወቡሩከ ይኩን ዘይባርከኪ፡፡

ነገራተ ክልዔ ኢይርሳዕ ልብኪ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ፀረኪ ንረግም በምክረ ቃል አሐቲ፡፡

ማርያም ድንግል ኢታስትቲ፡፡

ንሕነ ወጠነ ወፈጽሚ አንቲ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ንጽኪ ብሩህ እምነ ፀሐይ፡፡

ማርያም እሙ ለአዶናይ፡፡

ለአውጽአትነ ንዒ እምጌጋይ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

አንቲ ውእቱ ለዓለም ብርሃኑ

ለፀሐይየ ጽድቅ አስከሬኑ፡፡

ድንግልናኪ እለ ይሜንኑ ክፍለ ቈናጽል ለይኩኑ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ጸባዒነ፣ ዕብዒ፡፡ ወገፋዒነ ግፍዒ

ማርያም ድንግል እመ መዋዒ፡፡

አዘከርናኪ ድንግል ኢትርስኢ፡፡ ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ርግብየ ርግብየ ርግብየ ሠናይትየ፡፡

ማርያም እሙ ለእግዚእየ፡፡

በቀለመ ወርቅ ጸሐፊ ስምየ፡፡

ርግብየ ርግብየ ርግብየ የዋሕትየ

ማርያም እሙ ለእግዚእየ፡፡

በቀለመ ወርቅ ጸሐፊ ስምየ፡፡

ርግብየ ርግብየ ርግብየ ናዛዚትየ

ማርያም እሙ ለእግዚእየ፡፡

በቀለመ ወርቅ ጸሐፊ ስምየ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ኢትዝክሪ ብነ ኃጢአተነ፡፡ ማርያም እሙ ለእግዚእነ፡፡

በልደትኪ ተማሕፀነ፡፡

ኢትዝክሪ ብነ ኃጢአተነ፡፡ ማርያም እሙ ለእግዚአነ፡፡

በኪዳንኩ ተማሕፀነ፡፡

ኢትዝክሪ ብነ ኃጢአተነ፡፡ ማርያም እሙ ለእግዚአነ፡፡

በፍልሰትኪ ተማሕፀነ፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ኦ እግዝእትነ እመ መሐሪ፡፡ ኃጢአተነ ሠዓሪ፡፡

ወጸሎተነ ሥመሪ፡፡

ኦ እግዝእትነ እመ ነጋሢ፡፡ ኃጢአተነ ደምስሲ፡፡

ወደሎተነ ቀድሲ፡፡

ኦ እግዝእትነ እመ ከሃሊ፡፡ ኃጢአተነ አቅልሊ፡፡

ወጸሎተነ አልዕሊ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ለመኑ እነግር ኀዘነ ልብየ፡፡ እንበሌኪ ማርያም

እግዝእትየ፡፡ ንስቲተ ለንስሐ ወስኪ ዘመንየ፡፡

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

በእንተ ፍቅረ አብ ወወልድ ወመንፈስ ቅዱስ ኬንያ

እስእለኪ ማርያም በሃሎ ሉያ

ኀዘና ሰምዒ ወብከያ፡ ለሀገሪትነ፡ ኢትዮጵያ

ሰአሊ ለነ ማርያም

ሰአሊ ለነ ማርያም ኀበ ወልድኪ ኄር መድኃኔ ዓለም።

ማርያም አስምዒ ለኀይልኪ ድምፆ፡፡ ለፀርነ ዘልፈ

ዘየዓቅዖ፡፡ እስመ አብዝኃ ትዕግልተ ወአምፆ፡፡ ፫ ተ ጊዜ

በል፡፡

ትባርኮ ነፍስየ ለእግዚአብሔር ፫ተ ጊዜ በል

ሰአል ለነ ጊዩርጊስ፡፡ ሰአል ለነ ጊዮርጊስ ሰማዕተ ኢየሱስ

ክርስቶስ፡፡

ነዐ ጊዮርጊስ፡፡ ሰማዕተ ኢየሱስ ክርስቶስ፡፡

ወነዓ ፍቁርየ ዘልዳ ንጉሥ ሰአል ለነ ጊዩርጊስ፡፡

ሰአል ለነ ጊዮርጊስ ሰማዕተ ኢየሱስ ክርስቶስ፡፡

ነዐ ጊዮርጊስ፡፡ እንዘ ትሰርር በፈረስ፡፡

ወነዓ ፍቁርየ ዘልዳ ንጉሥ ሰአል ለነ ጊዩርጊስ፡፡

ሰአል ለነ ጊዮርጊስ ሰማዕተ ኢየሱስ ክርስቶስ፡፡

ዘሐረፀከ ድድያኖስ፡፡ ወወገረከ ደብረ ይድራስ

ዘዘረወከ በነፋስ ሰላም ለከ ጊዮርጊስ፡፡ ሰአል ለነ ጊዩርጊስ፡፡

ሰአል ለነ ጊዮርጊስ ሰማዕተ ኢየሱስ ክርስቶስ፡፡

ናሁ ወጠንኩ ዝክረ ውዳሴከ፡፡ በሕቱ ምንተኑ

ንሰምየከ፡፡ ወምንት ውእቱ፡፡ አምሳሊከ፡፡ ሰ፡ ለ፡ ጊ፡ ሰ፡

ኢ፡ ክ፡፡

.

.

ጽጌ ደንጐላትኑ ዘቄላተ ሳይዳ፡፡ ወእመ አከ ጽጌ ረዳ

ጊዮርጊስ ከከብ ዘምድረ ልዳ ሰ፡ ለ፡ ጊ፡ ሰ፡ ኢ፡፡

.

.

ጽጌ ወይንኑ ዘሀገረ ጋዲ መካን፡፡ ወእመ እከ ጽጌ ሮማን

ጊዮርጊስ ሰማዕት ፍትወ ስን ሰ፡ ለ፡ ጊ፡ ሰ፡ ኢ፡ ክ፡፡

ፀሐይኑ ዘወርኀ መርሙዳ፡፡ ሐፁረ መስቀል ዘየአውዳ፡፡

ጊዩርጊስ ከከብ ዘመድረ ልዳ፡፡ ሰ፡ ለ፡ ጊ፡ ሰ፡ ኢ፡ ክ፡፡

.

.

ወርኀኑ ዘአሜ ገሀህ ወእመ አከ ኮከበ ጽባሕ፡፡ ጊዮርጊስ

ፅዱል ወብሩህ፡፡ ሰ፡ ለ፡ ጊ፡ ሰ፡ ኢ፡ ክ፡

.

.

ፀቃውዕኑ ዘትግምርተ ንህብ፡፡ ወእመ አኮ፡፡ ዝትረ ሀሊብ

ጊዮርጊስ ቅሡም በጹወ ጥበብ ሰ፡ ለ፡ ጊ፡ ሰ፡ ኢ፡ ክ፡፡

ዕፍረትኑ ዘምድረ ከነዓን ወእመ አኮ ዕቁረ ማየ ልብን፡፡

ጊዮርጊስ ምዑዝ ከመ ዕጣን፡፡ ሰ ለ፡ ጊ፡ ሰ፡ ኢ፡ ክ፡፡

ሰኂንኑ ዘሀገረ ሰባ መካኑ፡፡ ወእመአከ ናርዶ ስኑ፡፡

እምርኁቅ ፍኖት ዘይጼኑ፡፡ ሰ፡ ለ፡ ጊ፡ ሰ፡ ኢ፡ ክ፡፡

ጠልኑ ዘአሜ ማዕረር፡፡

..

ወቦኑ ደመና በጊዜ ሐሩር ጊዮርጊስ ፍትው ወፍቁር ሰ፡

ለ፡ ጊ፡ ሰ፡ ኢ፡ ክ፡፡

.

.

እመስልከኑ በአዕናቁ ዓበይት፡፡ በዕንቄ መረግድ

ወበያክንት፡፡ ጊዮርጊስ ትርሢታ ለመርዓት፡፡ ሰ፡ ለ፡ ጊ፡

ሰ፡ ኢ፡ ክ፡፡

እምነ ሠናያት ኩሉ እለ ውስተ ባሕር ወየብስ፡፡ ሰበ

ነጸርኩ በኃሢሥ፡፡ ዘከማከ አልቦ ጊዮርጊስ፡፡ ሰ፡ ለ፡ ጊ፡

ሰ፡ ኢ፡ ክ፡፡

..

በምክያድ ስፋሕ ህየንተ አስካል፡፡ ወበው ስተ ዓውድ

ከመ እክል፡፡ አኬድከ እፎ በእግረ ኃይል ሰ፡ ለ፡ ጊ፡ሰ፡

ኢ፡ ክ፡፡

.

.

ያጠልል ዓፅመ ወያስተፌሥሕ ሕሊና ሰበ እዜኑ ስሙዓ

ዜና፡፡ ጊዩርጊስ ገድልከ ወይነ ቃና፡፡ ሰ፡ ለ፡ ጊ፡ ሰ፡ ኢ፡

ክ፡፡ .

ወሪድየኑ ኀበ ጠል አልቦ ወአሪግየኑ ደብረ ህቦ

ለጊዮርጊስ በአይቴ እርክቦ፡፡ ሰ፡ ለ፡ ጊ፡ ሰ፡ ኢ፡ ክ፡፡

..

ከመ ሞገድ ፍቅርከ እስከ ያረስአኒ ኩሎ፡፡ ለባሕረ ልብየ

ያመዓብሎ ፡፡ ጊዮርጊስ አስካል ዘወይነ ሴሎ፡፡ ሰ፡ ለ፡

ጊ፡ ሰ፡ ኢ፡ ክ፡

.

.

ፀንፀ ልብየ በፍቅረ ኪአከ አዳም እምፍቅረ አብ

ወእምፍቅረ እም ጊዮርጊስ ኮል ዘገዳም፡፡ ሰ፡ ለ፡ ጊ፡ ሰ፡

ኢ፡ ክ፡፡

ጊዮርጊስ ፍቅርከ ከመ ሞት ጽንፅት ክነ ፊሃ ክንፈ

እሳት፡፡ አርሰነተኒ ነዋ ከመ ብርት ሰ፡ ለ፡ ጊ፡ ሰ፡ ኢ፡ክ፡፡

..

ሚ ይሴኒ ስነ ላህይከ ወሚ ይጥዕም ዝክረ ውዳሴከ፡፡

ጊዮርጊስ ሰማዕት ለለ እብለከ፡፡ ሰ፡ ለ፡ ጊ፡ ሰ፡ ኢ፡ ክ፡፡

.

.

ጊዮርጊስ ልብስየ በጊዜ ዕርቃን፡፡ ወትፍሥሕ ትየ በጊዜ

ኀዘን፡፡ ለብእሲ ነዳይ ወምስኪን ሰ፡ ለ፡ ጊ፡ ሰ፡ ኢ፡ ክ፡፡

ጊዮርጊስ ስንቅየ በወርኃ ነጊድ፡፡ ወማእምርየ በብሔረ

ባዕድ፡፡ ለብእሲ ድንጉፅ ወርዑድ ፡፡ ሰ፡ ለ፡ ጊ፡ ሰ፡ ኢ፡ ክ፡፡

..

ሰተሩከ እፎ በሞሰርት፡፡ ወመተሩከ በአስይ ፍት፡፡

ነገሥታት ፸ ወመኳንንት፡፡ ሰ፡ ለ፡ ጊ፡ ሰ፡ ኢ፡ ክ፡፡

.

.

ከመ ዓፅምከ ይትቀጥቀጥ ዓዕመ ዚአየ፡፡ ጊዮርጊስ ኪያከ

ፍቁርየ፡፡ አሐተ ዕለተ ነጺርየ፡፡ ሰ፡ ለ፡ ጊ፡ ሰ፡ ኢ፡ ክ፡፡

.

.

ነፀ ኀቤየ ኀበ ዚአከ ወዓሊ፡፡ ጊዮርጊስ ሰማዕት

ተጋዳሊ፡፡ ምስለ አብያፂከ ሚናስ ቂርቆስ ወአቦሊ፡፡ ሰ፡

ለ፡ ጊ፡ ሰ፡ ኢ፡ ክ፡፡

ምንትኑ ያፈርሃኒ፡፡ ወትግምርት ሀሎከኒ፡፡ ሰ፡ ለ፡ ጊ፡ ሰ፡

ኢ፡ ክ፡፡

..

ዝውእቱ ጊዜ ተራድኦ፡፡ ወጸህቅ ናሁ ተንተንኩ ለወዲቅ፡፡

ጊዩርጊስ ነዓ ለሰዊቅ፡፡ ሰ፡ ለ፡ ጊ፡ ሰ፡ ኢ፡ ክ፡፡

.

.

ዛቲ ተግሣዕ ትኩነኒ እም ይእዜ፡፡ እስመ አሥጠመኒ ባሕረ

ትካዜ፡፡ ጊዮርጊስ ነዓ ለኑዛዜ፡፡ ሰ፡ ለ፡ ጊ፡ ሰ፡ ኢ፡ ክ፡፡

.

.

ዛቲ ተግሣዕ ትኩነኒ እም ዮም ፡፡ እስመ አስጠመኒ

ባሕረ ሕማም፡፡ ጊዮርጊስ ነዓ እምኤዶም፡፡ ሰ፡ ለ፡ ጊ፡

ሰ፡ ኢ፡ ክ፡፡

ዛቲ ተግሣዕ ትኩነኒ እም ባዕስ፡፡ እስመ አስጠመኒ በሕረ

ደነስ፡1 ጊዮርጊስ ነዓ በፈረስ፡ ሰ፡ ለ፡ ጊ፡ሰ፡ ኢ፡ ክ፡፡

..

አመ ተኀልፍ ምድር ወአመ ታገብእ ማኀፀንታ፡ ኢትመንነኒ

ለእጓለ ማውታ፡፡ ጊዮርጊስ ሰማዕት ልዑለ ፆታ፡፡ ሰ፡ ለ፡

ጊ፡ ሰ፡ ኢ፡ ክ፡፡

.

.

ላዕሌየ ፀር አመ ተመክሑ፡፡ ጊዮርጊስ ርድአኒ ለለጽባሑ፡፡

ምንት ውእቱ ለዓርክ ረባሑ፡፡ ሰ፡ ለ፡ ጊ፡ ሰ፡ ኢ፡ ክ፡፡

እማዕምቅቲሃ ለሲዖል ሰባ ጸዋዕኩከ ታውጽ አኒ፡፡ ነዓ

ማኀፀንተከ ጊዮርጊስ እዴየ እኂዘከ፡፡ ሰ፡ ለ፡ ጊ፡ ሰ፡ ኢ፡

ክ፡፡

..

ምንት ውእቱ በዓርክ በቁዔቱ፡፡ እንበለ ዳዕሙ

ተራጽዖቱ፡፡ ጊዩርጊስ ርድአኒ ለለዕለቱ፡ ሰ፡ ለ፡ ጊ፡ ሰ፡

ኢ፡ ክ፡፡

.

.

አመኒ ፀብዓኒ ተዓይን ዴግኖ፡ ይንሥአኒ ሊተ

ለአድኀኖ፡፡ ፀዓዳ ፈረሰከ ዘትጼአኖ፡፡ ሰ፡ ለ፡ ጊ፡ሰ፡

ኢ፡ክ፡፡

ጊዮርጊስ ሰማዕት ፍጡነ ረድኤት፡፡ ተሐውጸኒ

በምሕረት፡፡ ነዓ ኀቤየ በመዓልት ወበሌሊት ሰ፡ ለ፡ ጊ፡

ሰ፡ ኢ፡ ክ፡፡

..

ነዐ ጊዩርጊስ በጊዜ ሐዊር፡፡ ሰማዕተ ኢየሱስ፡፡ ማዕምር

ከመ ታድኀነኒ ይእዜ እም ነኪር፡፡ ሰ፡ ለ፡ ጊ፡ ሰ፡ ኢ፡ ክ፡፡

ነዐ ጊዮርጊስ በጊዜ ትከዜ፡፡ ለሰዓቱ ወለለ ጊዜ፡፡ ከመ

ትኩነኒ ለኀዙን ናዛዜ፡፡ ሰ፡ ለ፡ ጊ፡ ሰ፡ ኢ፡ ክ፡፡

ጊዩርጊስ እብለከ ነግሀ ወሠርከ፡፡ እምሥርወልብየ

አፈቅረከ፡፡ አርእየኒ ገጸከ ወአስምዓኒ ቃለከ፡፡ ሰ፡ ለ፡ ጊ፡

ሰ፡ ኢ፡ ክ፡፡

ስብሐት ለአብ ወወልድ ወመንፈስ ቅዱስ፡፡ ዘአንበሩ

ብየ አክሊለ ሞገስ፡፡ መዘምረ እኩን ለጊዮርጊስ፡፡ ሰ፡ ለ፡

ጊ፡ ሰ፡ ኢ፡ ክ

.

.

ኃያል ገብሬ ተአምር፡፡ ጊዮርጊስ ቅዱሱ

ለእግዚአብሔር፡፡ በአንተ ጊዮርጊስ ፍቁርከ፡፡ ምህላነ

ሰማዕ በዕዝንከ፡፡

.

በአንተ ጊዮርጊስ ሰማዕትከ ምሀላነ ስማዕ በዕዝነከ

በአንተ ጊዮርጊስ ምዕመንከ ምህላነ ስማዕ በዕዝንከ፡፡

..

ኦ አምላክ ጊዮርጊስ ዕቀበኒ እመከራ ሥጋ ወነፈስ፡፡